مصر في الفترات اللي فاتت كان عندها مشكلة في الإفراج الجمركي عن البضائع في المؤاني.. بس الحكومة حاليا حطت حد للأزمة دي... واللي جاي هيكون افضل للاقتصاد .. ياتري الحكومة هتنفذ الخطة دي أزي .. واية تاثيرها علي الاقتصاد المصري.
اي دولة في العالم المطارات والمؤانئ بتاعتها هيا عصب الاقتصاد بتاعتها والدولة اللي معندهاش موانئ بيكون اقتصادها متاخر جدا وده بسبب أنها مش بتعرف لا تصدر ولا تستورد اي حاجة وبالتالي مش هيكون عندها تصدير، وبالتالي فاتورها التصديرية بتكون مش موجودة، وعلشان الحتة دي الحكومة بدأت من بدري جدا ومن سنين كتيرة فاتت في تجهيز البنية التحتية من المؤاني البحرية والجافة علشان تكون عصب اقتصادنا القومي.
طيب اية حكاية الافراج الجمركي وأزمتها في المؤاني عندنا في مصر ؟.
الفترات اللي فاتت واللي كانت الحكومة عندها مشاكل في توفير السيولة الدولارية للمستورين والموردين علشان يستوردوا الحاجات اللي السوق المصري بيحتاجها من الخارج، وفي نسبة كبيرة منهم كان لهم بضائع كتيرة في المؤاني وللاسف بسبب نقص السيولة الدولارية فضلت فترات كبيرة في المؤاني وكان في تكدس رهيب للبضائع في المؤاني وعملت ازمة كبيرة للاقتصاد المصري خصوصا أن المؤاني كانت شبه مقفولة ، وبالتالي لما الحكومة وفرت السيولة الدولارية أول قرار اخذته كان الافراج عن البضائع الموجودة في المؤاني وتسريعه بسبب ان السوق المصري كان بيعاني من نقص كبير جدا في السلع والمستلزمات الغذائية وباقي الحاجات اللي المواطن بيحتاجها من برا مصر، والنقص اللي كان موجود في الأسواق تسبب في رفع كبير في الاسعار واللي دفع الضريبة دي هو المواطن المصري البسيط واللي اشتري الحاجة باعلي من سعرها الحقيقي باضعاف الاضعاف بسبب أنه ناقصة في الأسواق.
القرارت اللي اخذتها الحكومة بتسريع وتيرة الافراج الجمركي عن البضائع تسبب وده لسد النقص في السوق المصري وكمان التخلص من البضائع المتراكمة والموجودة في المؤاني واللي كانت بتمثل ازمة كبيرة للدولة المصرية، خصوصا أن وجود البضائع دي في المؤاني بيوقف الموارد المالية اللي بتدخل مصر من التصدير والاستيراد.
وعلشان الحكومة تشجع الافراج الجمركي عن البضائع وتحل كل مشاكل الموردين والمستوردين، فالحكومة عملت تسييرات كبيرة في المنظومة الخاصة بالافراج عن البضائع بالمواني بعد ما كانت طول الفترات اللي فاتت عبارة عن منظومة ورقية ودلوقتي بقت الكترونية، والمستوردين والموردين بقوا يخلصوا عمليات الاستيراد والتصدير وهما قاعدين في مكانهم بدون مشاوير وعمليات وتوقيعات كتيرة علي ما يعرف يطلع شحنة من المؤاني.
التسهيلات اللي عملته الحكومة تضمنت كمان تسهيل وتقليل رسوم الافراج الجمركي وده ضمن خطة الحكومة لتمكين كل الممولين في الافراج عن بضائع بكل سهولة وعلشان الموردين ميضروش يسيبوا بضائع في المؤاني خصوصا أن الأزمة دي كانت موجودة ومنتشرة في السوق المصري علي فترات كتيرة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
