مصر حاليا في طريقها للقضاء علي التضخم .. وفي خطوات كتيرة الدولة أخذتها علشان توصل للهدف ده.. لو عايز تعرف يعني أية تضخم وازاي الدولة هتحل أزمته في مصر.
التضخم كلمة شائعة منتشرة جدا دلوقتي في الشارع المصري وفي القنوات والمواقع الأخبارية وعلي مواقع التواصل الأجتماعي، وكل بيوم بقينا بنسمع ارتفاع أو انخفاض التضخم في مصر ولكن في عدد كبير منا مش عارف يعني اية تضخم وأية تاثيره علي الناس.
التضخم ده واحد من المصطلحات الشائعة في عالم الاقتصاد وده بيعني زيادة أسعار السلع والخدمات الأساسية زي الأكل والشرب والطاقة والنقل وزيادة تكلفة المعيشة علي المواطن، وده فعلا حصل ولسه بيحصل في عدد كبير من دول العالم بسبب التغيرات الجيوسياسية اللي بتحصل في اغلب دول العالم خصوصا الدولة النامية واللي مصر واحدة منهم واللي مؤخرا معدل التضخم ارتفع فيها ونسبة كبيرة من الاسعار السلع والخدمات ارتفعت فيها في الفترة اللي فاتت.
طيب اية خطة الحكومة لخفض التضخم في مصر؟
وزير المالية المصري أحمد كجوك، قال أن الحكومة عندها خطة للنهوض بالاقتصاد المصري بنسبة تقارب 4% في السنة المالية 2024 - 2025، خصوصا مع الشغل اللي بتقوم بيه الحكومة لتحسين الدخل القومي من قطاعات السياحة والصناعة وتصدير الغاز والوقود، وأكد أن الحكومة واثقة جدا من تحقيق هدفه رغم أن صندوق النقد الدولي بتوقع أرقام أقل من كده.
وزير المالية كمل كلامه وقال أن معدلات النمو وصلت في الربع الأول من السنة المالية لـ 3.6%، وفي بوادر تحسن إضافي في الاقتصاد المصري من السياحة تكنولوجيا المعلومات التصنيع وتصدير المحروقات للخارج.
وزير المالية قال أنه بيتوقع بحلول نهاية السنة المالية انخفاض طفيف في العجز المالي، وانخفاض كبير في معدلات التضخم خصوصا أنها في طريقها للنزول، ومتوقع أنها توصل لـ16% مع بداية شهر مارس 2024 وهتفضل تستمر في النزول بالتوازي مع خطط الحكومة لزيادة فعالية الاقتصاد المصري وزيادة الصادرات وتقليل الاستيراد.
وزير المالية قال كمان، أن الحكومة حايلا بتهئ الظروف لعودة أسعار الفايدة لمستوياتها الطبيعية، وده هيدي دفعة إضافية للاقتصاد وهيعود بالنفع على كل الأطراف، بما فيهم الحكومة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
