ايه التطور الجديد اللي حصل في سوق السيارات في الساعات الأخيرة وهل الأسعار هتنزل بعد القرارات الأخيرة..
سوق السيارات المصري ليه شهور طويلة. هو بيعاني من أزمات كتير زي قلة المعروض وأزمات سيارات الجمارك واكتشاف عمليات تلاعب كبيرة في عمليات الاستيراد من ناحية الشركات المستوردة ودا خلي الدولة تراجع المنطومة كلها وحصل شبه توقف للاستيراد وبالتالي قفزت الأسعار وبقي صعب على اي مواطن يشتري سيارة جديدة ولا حتى مستعملة مع الزيادات الكبيرة وعودة الأوفر برايس وندرة المعروض أمام طلب متراكم وحالة من الركود.
الحكومة أعلنت اكتر من مرة انها هتنظم سوق السيارات بما يسمح بنزول الأسعار وتنظيم عمليات الاستيراد وبجانب زيادة توطين صناعة السيارات في السوق المصري وعودة الشركات المصرية المتخصصة في صناعة المركبات ولوازمها للعمل زي ما حصل في شركة النصر للسيارات ودا لأن قطاع السيارات في مصر من أهم القطاعات الاقتصادية وبيشتغل فيه ملايين المصريين من اول الورش لغاية المصانع وقطع الغيار..
طيب إيه الجديد في سوق السيارات.
من شوية موقع "العربية Business" كشف عن نسخة من وثيقة صادرة عن مصلحة الجمارك المصرية بخصوص تعليمات شملت 5 شروط واللي هيتم من خلالها الإفراج عن الاف السيارات المحتجزة بالموانئ وتضمنت الوثيقة تعليمات رسمية جديدة موجّهة إلى مديري المراكز اللوجستية، تتعلق بالإفراج الجمركي عن السيارات المستوردة والمستعملة للاستخدام الشخصي.
وبحسب المنشور الرسمي الدولة حطت شروط للإفراج الجمركي على السيارات اللي في المواني عشان تظبط السوق زي ما وعدت منها أن يكون تاريخ الشحن قبل 27 ديسمبر 2024 وهو تاريخ العمل بقرار وزير الاستثمار والتجارة الداخلية رقم 319 لسنة 2024 وتاني حاجة تقديم سويفت تحويل يفيد سداد قيمتها في الخارج من خلال أحد البنوك في الخارج قبل 25/6/2024 ومن الشروط بردو مراجعة البيانات المقدمة في السويفت ومطابقتها على بيانات البوليصة والفاتورة وتقديم تعهد من صاحب الشأن بصحة المستندات المقدمة وتحمل مسؤوليته القانونية في حالة عدم صحة المستندات المقدمة واخر شرط فرض غرامات على المخالفين وفقًا للمادة 72 من قانون الجمارك رقم 207 لعام 2020.
وحسب المنشور أكدت مصلحة الجمارك التزامها بتعزيز الشفافية وتنظيم استيراد السيارات بما يضمن حماية الأسواق المحلية ومراعاة القوانين النافذة.
طيب دا معناه إيه ؟
اكيد طبعا معناه إن أزمة الاستيراد انتهت أو بدأت في الانتهاء والشركات هترجع تستورد تاني ومعناها أن آلاف السيارات المحتجزة بالجمارك هتنزل السوق وهتزود المعروض ودا هيننعكس على أسعار السيارات واللي المفروض هتنزل وكمان القرارات هتفتح الطريق للاستيراد بكميات كبيره وبالتالي ضمان استمرارية وصول سيارات جديدة للسوق وتحريك حركة البيع والشراء وانتهاء الأوفر برايس وكمان لما السيارات الجديده هتنزل دا هينعكس على أسعار السيارات المستعمله واللي أسعارها هتنزل هي كمان.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
