في ناس كتير في المجتمع زعلانة من قرار الدولة بفرض رسوم جمركية علي ورادات التليفون المحمول..ومش عارف أن تهريب التليفون المحمول كان بيضر بشكل كبير الاقتصاد المصري.
الشارع المصري حاليا مليان ردود افعال علي قرار مصلحة الجمارك بفرض رسوم جمركية علي دخول التلفون المحمول مع المصريين اللي جايين من برا واللي بتوصل لـ38.8 من سعر التلفون المحمول، وطبعا كل الناس شايفة أن القرار حاجة جديدة من الحكومة لتحصيل فلوس جديد من الناس تحت بند احكام سوق الرقابة علي ورادات التليفون المحمول.
طيب هل التلفون المحمول بيضر الاقتصاد المصري؟
شعبة المستوردين بالاتحاد العام للغرف التجارية في مصر قالت إن ظاهرة التهريب في سوق صناعة التلفون المحمول بتهدد استثمارات بقيمة 4.5 مليار جنيه، وكمان بتهدد فرص العمل لـ2,050 مواطن في مصر.
الاستثمارات اللي محاولات تهريب المحمول بتهددها في مصر خاصة بشركات انتاج المحمول زي سامسونغ وشاومي وفيفو وإنيفينكس ونوكيا وأوبو، واللي الحكومة قدمت لهم حوافز كبيرة في الفترات اللي فاتت علشان يدخلو السوق المصري ويبدأ انتاج التلفون المحمول في مصر، وده هيوفر لمصر مبالغ مالية كبيرة هتوصل لـ6 مليار دولار وفقا للرقم اللي اعلنه الدكتور مصطفي مدبولي رئيس مجلس الوزراء، والشركات دي هتبدأ شغلها في مصر باستثمارات وصلت ل2 مليار وطاقة إنتاجية هتوصل لـ20 مليون جهاز تليفون محمول سنويا.
مؤخرا كمان الدولة وقعت عقود مع شركة أوبو لإنشاء مصنع بطاقة إنتاجية هتوصل لـ 4.5 مليون وحدة سنويا، وباستثمارات 20 مليون دولار، ومصنعهم هيكون محور إقليمي للشركة للتصنيع والتصدير إلى الأسواق العربية والأفريقية، وطبعا ده هيكون مصدر دولاري لمصر جديدة من الهواتف المحمولة وهيوفر لمصر مبالغ كبيرة كانت بتخصص لاستيراد التليفون المحمول .
طيب اجمالي مبيعات التلفون المحمول في مصر بتوصل لكام؟.
شعبة الاتصالات والمحمول بالغرفة التجارية، قالت أن مبيعات التلفون المحمول في مصر بتتراوح من 18 إلى 20 مليون تلفون سنويا بقيمة تتراوح بين 1.7 مليار إلى 2 مليار دولار.
شعبة الاتصالات والمحمول بالغرفة التجارية قالت أن الضرائب والرسوم الجمركية بتعد أهم مصدر لتمويل خزينة الدولة المصرية، ونشا تهريب التلفون المحمول بهدد أرقام كبيرة جدا بتدخل لخزينة الدولة المصرية، ودخول التلفونات دي بطريقة غير شرعية بيهدد مسيرة المشاريع التنموية والقومية والخدمية والإنتاجية اللي بتقوم بيها الدولة المصرية لخدمة المواطنين وبفتح سوق عمل للمصريين .
شعبة الاتصالات والمحمول بالغرفة التجارية قال أن ظاهرة التهريب بتخلق بيئة طاردة للاستثمار المحلي والأجنبي في مصر، والمستثمر الأجنبي في قطاع التصنيع قبل ما ياخذ قرار دخول أي سوق للاستثمار فيه أول سؤال بيساله هو مدى توفر الحماية القانونية للمنتجات اللي هيصنعها في السوق اللي هيستثمر فيه، وحاليا مصر بصدد إنتاج أكثر من 100 مليون جهاز تليفون محمول من خلال الشركات اللي دخلت السوق المصري مؤخرا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
