في الأيام الأخيرة، كتير من المصريين اتفاجئوا بخبر تدشين خط قطار سريع جديد هيربط بين جمهورية مصر العربية ودولة العراق، وتحديدا هينطلق من شرم الشيخ لحد مدينة البصرة.. طب إيه هي القصة؟
البداية كانت من تصريح مدير عام التجارة الدولية والاستثمار في إسبانيا، اليسا فاريلا، اللي قالت إن بلادها بتؤيد بقوة عودة العراق بشكل قوي للمنظمة العالمية للتجارة، وبتدعم السعي للاتجاه ده، واتكلمت كمان عن إن التعاون مع العراق مش متوقف على مشروعات السكك الحديدية بس، لأ ده كمان بيمتد لمجالات تانية كتيرة وكمان مشروعات مشتركة.
وقالت فاريلا، إن في اتجاه لمد سكة حديد من البصرة في العراق لشرم الشيخ في مصر، وده هيكون من خلال شركة هتقوم بتنفيذ الخط ده، وخلال سنوات قليلة هنلاقيه شغال.
وبعد تصريح مدير عام التجارة الدولية والاستثمار في إسبانيا، فنقدر نقول إن الكلام ده مش مستحيل وسهل جدا تنفيذه، خاصة وإن مصر يتنفذ دلوقتي شبكة قوية وضخمة للقطارات الشريعة بأطوال حوالي ألفين كيلو متر، وهتربط كل محافظات الجمهورية ببعضها، وكمان هتربط مصر بدولة ليبيا ومتوقع كمان تمتد للسودان.
عشان كده، شبكة القطارات الكهربائية السريعة المصرية، باعتبار واحدة من أكبر المشروعات العملاقة اللي بتنفذها شركة سيمنز العالمية، والخط الأول منها بيبدأ من العين السخنة لحد مطروح مروراً بالعاصمة الإدارية الجديدة والقاهرة والسادس من أكتوبر وبرج العرب والعلمين، وفب مفاوضات حالية مع سكك حديد ألمانيا للتعاون في إدارة وتشغيل شبكة القطار الكهربائي السريع.
ومحطات الخط الأول هي 22 محطة، منها 10 محطات للقطار السريع و12 محطات إقليمية، وهي: (العين السخنة ــ العاصمة الإدارية ــ محمد نجيب - القاهرة ــ جنوب الجيزة -" تفريعة للعياط - الفيوم بنى سويف"ــ حدائق أكتوبر ــ 6 أكتوبر ــ سفنكس ــ السادات ــ وادى النطرون ــ النوبارية ــ الإسكندرية ــ برج العرب ــ العامرية ــ الحمام ــ العلمين ــ سيدى عبدالرحمن ــ الضبعة ــ سوان ليك ــ رأس الحكمة ــ ألماظة باى ــ مطروح).
أما الخط التاني لشبكة القطارات السريعة، فبيمتد من 6 أكتوبر / الأقصر/أسوان / أبو سمبل بطول 1100 كم، و36 محطة بواقع 10 محطات للقطارات السريعة هى (الفيوم / بنى سويف – المنيا – اسيوط – سوهاج - قنا- الأقصر - ادفو -مطار أسوان – توشكى – أبوسمبل )، و26 محطة للقطارات الإقليمية هى ( العياط – الفشن – العدوة - بنى مزار – سمالوط – أبو قرقاص – ملوى – ديروط – القوصية – منفلوط – أبوتيج – الغنايم – طهطا – جهينة – ابيدوس - فرشوط – نجع حمادى – دشنا- قوص -ارمنت-اسنا - السباعية – كلابشة – دراو – أسوان الجديدة -ميدكوم) وبيلتقى هذا الخط فى محطة حدائق أكتوبر بالخط الأول وفى محطة قنا بالخط الثالث.
وأخيرا، الخط الثالث: قنا – الغردقة – سفاجا، وطوله 175 كم بالإضافة إلى 65 كم لمداخل الورش ووصلات للموانئ الجافة وسكك التخزين .
وقريب جدا هنلاقي شبكة القطارات السريعة في مصر شغالة بكامل كفاءتها، وهتنقل الركاب والبضايع في نفس الوقت، ومش بس كده لأ ده هتربط مصر بدول الجوار وهتنشط حركة التجارة في مصر والشرق الأوسط، يعني عد معانا الفوايد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
