أسعار السيارات في مصر شهدت استقرار ملحوظ في الفترة الأخيرة، وده كان بعد تقلبات سعرية كتيرة حصلت في عدد من الموديلات، ولكن لو بتدور على المستعمل فتأكد إن أسعاره دايما بتختلف عن الزيرو؛ وده لأنها أكتر طلبًا من الناس.
عشان كده، أسعار السيارات في مصر وخاصة المستعمل استقرت بشكل كبير، وده لعدة أسباب أهمها توافر واستقرار سعر الدولار في البنوك أمام الجنيه، وكمان التجار عايزين يخلصوا من المخزون اللي عندهم عشان يجددوا سوقهم ويتجبنوا أي موجات جاية لتقلبات الأسعار، ممكن تأثر عليهم.
ولو جينا لأسعار المستعمل، فعندك عربية BYD F3، وهي موديل 2025، ومن مميزاتها انها بمحرك سعة 1500 سي سي، 4 سلندر، بقوة 108 أحصنة، وعزم دوران 145 نيوتن متر، وبتتوافر بنسختين؛ الأولى ناقل حركة مانيوال والثانية أوتوماتيك.
وسعر العربية دي، سجل للمانيوال 520 ألف جنيه، أما الأوتوماتيك 600 ألف جنيه.
نيجي لعربية شيري أريزو، واللي بتيجي بمحرك بسعة 1500 سي سي DVVT وقوة 114 حصانا، مزودة بناقل حركة CVT أوتوماتيك، وفيها سعة في الوقود بتصل لـ48 لترا.
وبالنسبة لسعرها، فموديل 2024 مانيوال ب 630 ألف جنيه، وبالنسبة لنفس العربية لكن موديل 2025 فسعرها 645 ألف جنيه.
ومن شيري لسوزوكي ديزاير، واللي بتتوافر فيها محرك 1200 سي سي و4 سلندر، وقوة إجمالية 85 حصانا، وذات ناقل حركة أوتوماتيك به 4 نقلات، وبيوصل سعرها ب 669 ألف و900 جنيه للأوتوماتيك.
ولو فعليا نفسك تشتري عربية ومش معاك فلوس، فالبنك التجاري الدولي Cib، هيديك قرض السيارة.
وممكن حضرتك تقدم بكل سهولة على القرض ده اللي بيتميز بأنه بيوصل ل 9 مليون جنيه أو تمويل 100% من سعر السيارة سواء للموظفين أو أصحاب المهن الحرة.
أما فترات سداد، فيتكون خلال 8 سنين كحد أقصى، وسعر العائد فبيبلغ 26%، وهنا مافيش حظر بيع أو تأمين على السيارة محل المعاملة.
بس لازم حضرتك تجهز شوية ورق ومستندات، زي صورة البطاقة الشخصية وتكون سارية وعرض سعر سيارة وإثبات دخل أو بيان راتب في حالة كنت موظف، وكشف الحساب البنكي سواء شخصي أو شركات عن آخر 6 أشهر، وفي حالة أصحاب المهن الحرة فلازم تقدم أصل السجل التجاري أو أي حاجة تعادله.
وأهم مميزات يميز قرض السيارة من البنك التجاري، هي توفيره خدمات التقسيط دون فوائد لخدمات ما بعد بيع السيارة، زي شراء قطع الغيار باستخدام بطاقات الائتمان CIB.
وفي النهاية، هنقولك شوية نصايح قبل ما تشتري عربية، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.
وحاول تشتري من تاجر معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
