دلوقتي الحكومة المصرية بتفكر بره الصندوق، عشام تقدر تتغلب على أي تحديات اقتصادية تقف قدامها، وتحل أي مشكلة واردة مثلا زي نقص الدولار.
وكان من أهم القرارات اللي أخدتها الحكومة السنة اللي فاتت، هو تحرير سعر الصرف بشكل كامل، وخلت سعر الدولار مرن وخاضع للعرض والطلب، وده ساهم في تحقيق سيولة دولارية كبيرة اتوفرت في السوق، وكان أهم باب لها هو تحويلات المصريين في الخارج.
ولكن في بقى كنز جديد محدش واخد باله منه، وهو صادرات جديدة هتساعد في حل أزمة الدولار وتوفير العملة الخضراء في السوق المصري بشكل مستمر وفائض دايما، واللي هي الصادرات الإلكترونية أو الرقمية، واللي سجلت 6.2 مليار دولار خلال السنة المالية اللي فاتت.
وبالأرقام، ارتفعت صادرات مصر الرقمية عشان توصل ل 6.2 مليار دولار خلال العام المالي اللي فات، مقابل 4.9 مليار دولار في السنة اللي قبلها.
ونقدر نقول إن معدل الزيادة دي سجل 26.5%، أما الصادرات الرقمية فكانت عبارة عن خدمات التعهيد للشركات، زي مثلا خدمات الموارد البشرية، مراكز الاتصال، تطوير البرمجيات والدعم الفني، وكمان النظم المدمجة وتصميم الإلكترونيات، وتصميم الدوائر الإلكترونية.
ودلوقتي وزارة الاتصالات بتستهدف زيادة الصادرات الرقمية لن 9 مليار دولار، خاصة وأن مصر طبقت إجراءات جديدة وتسهيلات ساهمت في خلق مناخ جاذب للاستثمارات في مجال التعهيد، ده بجانب إن مصر بتتمتع بمكانة مميزة في مجال تصدير الخدمات الرقمية والتعهيد وده بسبب توافر العنصر البشري في القطاع ده.
كمان، مصر شهدت دخول شركات عالمية كتيرة للسوق خلال السنين الأخيرة، وتم إنشاء فروع لها في مصر، نتيجة توافر الكوادر الشابة المؤهلة للعمل في المجال وامتلاك المهارات اللغوية والرقمية.
ضيف على كل ده، إن مصر عندها قاعدة من الشباب قادر على العمل في المجال ده، عشان كده حصلت زيادة في تصدير الخدمات الرقمية من مصر عشان اهتمامنا ببرامج تدريب الشباب واللي بتسمح باتاحة عدد كبير من الشباب المؤهل للعمل في القطاع ده، وهو أحد العناصر الجاذبة للعمل في السوق المصري.
أما عمليات تصدير الخدمات التكنولوجية فبتعتمد على التعهيد من جانب، وكمان تصدير برامج "سوفت وير" للسوق الخارجي خاصة السوق العربي زي مثلا السعودية.
كمان حاليا تم الانتهاء من تدريب 600 شاب في قطاع البرمجة وتأهيلهم للعمل في الشركات العالمية، عشان نساهم في زيادة الصادرات الرقمية لمختلف الأسواق، وده بيؤكد إننا نجحنا في خرجنا جيل جديد من المبرمجين اللي هيكونوا قادرين على تلبية احتياجات السوق العالمي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
