الفترة اللي فاتت في كلام كتير قوي حصل علي التلفونات واسعار بعد قرار مصلحة الجمارك بفرض ضريبة علي التلفونات اللي جاية من برا بنسبة 38.8% من سعر التليفون.. ياتري هل حصلت زيادة في اسعار التلفونات ونسبتها كام.
الفترة دي مفيش كلام في مصر غير الكلام اللي متعلق بقرار مصلحة الجمارك المصرية بفرض رسوم علي التلفونات اللي جاية مصر من برا مصر وبتوصل نسبة الضريبة لـ 38.8% من سعر التلفون، وطبعا القرار ده عملت صدي واسع جدا في الشارع المصري وهياثر بشكل كبير علي اسعار التلفونات اللي بتتباع في مصر خصوصا أن اغلب انواع الموبيلات اللي موجودة في السوق اصلا مستوردة من الخارج.
طب هل حصلت زيادة في اسعار التليفونات في مصر؟
شعبة المحمول قالت أن تطبيق قرار مصلحة الجمارك بفرض رسوم جمركية علي التلفونات اللي جاية من الخارج عكمل ربكة فى السوق المحلية، وبسبب القرار ده أسعار الموبايلات في مصر شهدت زيادة بنسبة تتراوح بين ١٠ إلى ٣٠٪، لمختلف الموديلات، والقرار أدي لتراجع الأنواع المعروضة في السوق، والاسعار كلها ارتفعت بكل كامل كرد فعل لقرار مصلحة الجمارك.
شعبة المحمول قالت أن القرار بيهدف لتشجيع مصانع الموبايلات محليا، والقرار ده هيدي ميزة للشركات الموجودة حاليا في السوق المصري للتصنيع والانتشار في السوق خصوصا أن الرسوم اللي بتدفعها الشركات دي واللي موجودة في مصر واللي بتصنع الموبايل محلي بتوصل لـ٢٥٪ في حين أن نسبة الرسوم اللي هتكون علي الموبيل اللي جاي من برا مصر هتوصل لـ38%، ودي هيخلي اغلب تجار الموبيل في مصر تدور علي الموبيلات اللي بتتصنع محليا علشان فرق السعر بينها وبين الموبيل اللي جاي من برا مصر هيكون كبير، والزبون طبعا بيدور علي الموبيل اللي سعره اقل.
شعبة المحمول طالبت الدولة بضرورة قرارها بالسماح للناس اللي جاية من برا مصر باصطحاب موبايل واحد بس، خصوصا أن القرار ده مش هيمشي مع المصريين اللي جايين من برا مصر واللي بيختلف طبعا عن عادتنا وتقاليدا، وكل واحد جاي من السفر بيجب أكثر من تلفون معاه كهدايا للأهل والأقارب، وفي نفس الوقت بيخفف الطلب على الدولار فى السوق المحلي واللي المستوردين والتجار بيحتاجوه علشان يستوردوا موبيلات من الخارج، خصوصا أن القرار ده هيعمل تعطيش لسوق الموبايلات في مصر وهيعمل كمان زيادة في الطلب المحلي وبالتالي هتكون الدولة ملزمة بتوفير دولار كتير لاستيراد الموبايل.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
