كلنا تابعنا اللي حصل اليومين اللي فاتوا في سوق الموبايلات بخصوص الرسوم والضرايب على الهواتف الللي دخلت البلد تهريب وازاي وزارة المالية اتحركت عشان ترجع حق البلد في الضرايب والرسوم اللي راحت للتجار وعملت بالتعاون مع وزارة الاتصال تطبيق جديد اسمه تليفوني عشان تسهل على الناس اللي اشترت محمول جديد إنها تستعلم عليه وفي نفس الوقت طرق تسديد الرسوم.
ولان فيه كلام كتير اتقال في القصة دي وناس تاهت كتير مجلس الوزراء حسم الجدل دا ونشر شرح مفصل لكيفية الاستعلام عن التليفون المحمول اللي دخل البلد في الفترة قبل يناير 2025 وطرق الدفع ونصايح قبل ما تشتري تليفون جديد
أول حاجة تعملها قبل ما تشتري تليفون من أي تاجر أو موزع أو محل إنك تتأكد من الحصول على الفاتورة الضرييبة مسجل فيها جميع الأرقام التعريفية للموبايل والرقم التعريفي بيكون مكون من 15 رقم وكل شريحة ليها رقم تعريفي يعني لو التليفون بشريحتين هتلاقي رقمين للتعريف.
وبعدها هتدخل على تطبيق تليفوني للاستعلام عن الموبايل الجديد قبل شراءه وهل عليه أي رسوم والتأكد إن جميع الأرقام التعريفية مسجلة علي التطبيق.
طيب إيه هو الرقم التعريفي للموبايل وإزاي أطلعه ؟
شوف ياسيدي الرقم التعريفي ime هو كود هوية دولية أو بطاقة تعريف خاص بكل جهاز موبايل ومكون من 15 رقم ولو عاوز تعرف أي رقم تعريفي للجهاز فدا هيكون من خلال طلب الكود(*#06# ) أو على علبة الجهاز الأصلية.
طيب لو كشفت على تليفونك ولقيت عليخ فلوس هتسدد فين وازاي؟
أول خطوة بتعملها هي تحميل تطبيق تليفوني وبعدها هتستخدم خدمة التسجيل وسداد الرسوم وبعدها هتمشي في خطوات ادخال الأرقام التعريفية للجهاز وهيتم تسجيل تليفونك خلال دقايق.
طيب مين المسؤول عن تسجيل الموبايل المشتري ولا الموزع ؟
الحكومة قالت إن التسجيل مسؤولية الموزع أو الوكيل المعتمد داخل مصر وعشن كده لازم تتأكد من تسجيل الموبايل من خلال تطبيق تليفوني ومتنساش الفاتورة الضريبية بالأرقام التعريفيىة عشان دي اللي هتحميك بعدين.
طيب لو تليفونك بشريحتين وكنت مشغل شريحة واحدة وحبيت تشغل الشريحة التانية هتدفع رسوم ولا لأ؟
في الحالة دي وحسب بيان مجلس الوزراء مش هتدفع أي رسوم وتليفونك هيعتبر مستعمل او مفعل قبل قرار الجمارك في 1 يناير ومش هتدفع حاجة وبكده كل الموبايلات اللي شغالة قبل القرار مش هتوقف ولا هيدفع عليها رسوم بأثر رجعي.
طيب مصير التليفونات اللي عليها رسوم وصاحبها مدفعش ولا فعلها.. أكيد الدولة في الأخر عاوزة حقها في الرسوم والجمارك ومش هتسيبه وكده ممكن تليفونك يوقف ومش هيكون ليه لازمة في أيدك لأن مفيش أي شريحة بعد كده هتشتغل عليه.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
