ايه حكاية تطبيق توكن اللي بيقولوا عليه دا.. وازاي مش هتحتاج تشيل فلوس في جيبك تاني .. وايه علاقة دا بالبنك المركزي المصري وامتى هيطبق النظام الجديد وهل هو امان ولا هيكون فيه مخاطرة.. كل دا هنعرفه بالتفصيل في الفيديو ده.
البنك المركزي المصري من فترة كبيرة شغال على مشاريع مالية عصرية خاصة بالدفع المالي وقبلها الشمول المالي وتطوير تقنيات النظم المالية والبداية الكبيرة والقفزة النوعية كانت في ظهور تطبيق انستاباي واللي أطلقه المركزي ونجح نجاح باهر عشان تطبيق آمن وسهل الاستخدام وسريع وبيوفر مشوار البنوك والوقوف قدام ماكينات الصراف الآلي أو أكشاك التحويل النقدي وفي نفس الوقت مبقاش فيه داعي انك تشيل فلوس في جيبك أو تبعتها كاش لاي حد بعد ما الموضوع بقي لحظي على تطبيق انستاباي.
طيب ايه الجديد في موضوع تكنولوجيا الدفع الالكتروني ؟
شوف ياسيدي زي ما قلنا كل يوم فيه جديد في عالم البنوك وكل المؤشرات بتقول إن زمن الفلوس اللي بتشيلها في جيبك أو تحت البلاطة انتهي وكله هيبقي تحويلات ومعاملات اون لاين وفي دقيقة واحدة والجديد بقى هو نظام دفع مالي هيظهر قي في مصر خلال شهرين تقريبا واسمه توكن ودا اللي كشفته من شوية نائب رئيس شركة فيزا والمدير العام للشركة بمصر، ملاك البابا، واللي اتوقعت تفعيل تقنية "TOKEN" في مصر، واللي شغالة عليها الشركة من فترة بالتعاون مع البنك المركزي المصري، خلال شهرين.
طيب ايه هي تقنية توكن دي؟
ببساطة كده "TOKEN" عبارة عن نظام أو تطبيق مهمته إجراء المعاملات المالية من خلال الموبايل من دون الحاجة لاستخدام أوراق النقد أو بطاقات الدفع البلاستيكية، فهي تقنية تستبدل البيانات الشخصية الحساسة برموز رقمية وبتسمح خدمة "TOKEN" للعملاء بتنفيذ المعاملات المالية من خلال تسجيل الدخول على خدمة الإنترنت البنكي للإطلاع على أرصدة وحركات وكشوف الحسابات المختلفة بأنواعها، وكمان التحويل بين حسابات البنوك وكل دا من خلال الموبايل
مسؤولة شركة فيزا سياحيه التي إنه هيتم تفعيل الخدمة الجديدة قريب جدا، وممكن يكون قبل نهاية السنة الحالية يعني خلال شهرين والخدمة أو التقنية الجديدة ضمن خطة المركزي للتحول نحو الاقتصاد الأخضر والتنمية المستدامة وتقليل الانبعاثات الكربونية..
يعني ببساطة تقنية "TOKEN" هتكون بديل البطاقات البنكية البلاستيكية وكل المعاملات اللي كنت بتعملها بكارت الفيزا هتعملها دلوقتي من توكن من على الموبايل وانت قاعد مكانك وعلى فكرة تقنية "TOKEN" الجديدة بتشتغل على تحميل برنامج على الموبايل هيكون مربوط بالحساب البنكي، ويعمل عبر الـQR CODE الموجود بماكينة الدفع.
وتوقعت البابا في وقت سابق دخول بنوك مصرية في المنظومة فور تفعيلها، وإن فيه بنوك تانية هتحتاج بعض الوقت، حسب جاهزيتها لهذه الآلية وقالت كمان إن فيه تعاون كبير وشراكات متعددة بين "فيزا" وجهات مختلفة زي شركات الاتصالات أو المؤسسات المالية الكبرى أو البنك المركزي المصري من خلال تقديم حلول وخدمات و مصر واحدة من أكبر 5 دول على استراتيجية فيزا التوسعية الأعوام المقبلة.
اخر حاجة عاوزين نقولها في موضوع الدفع الالكتروني دا هو أن كل التقنيات اللي ظهرت ولسه هتظهر بالتعاون مع فيزا وغيرها هدفها في النهاية تنفيذ خطة البنك المركزي المصري بتعزيز التعاملات المالية اللاتلامسية والسداد الاون لاين مع توفير أقصى درجات الأمان المالي وعلى فكرة تطور عمليات الدفع المالي والتحويل اللحظي أحد أسباب جذب الاستثمارات السوق المصري لأن المستثمر بيدور على الخدمات اللي بتقدمها البنوك وخاصة حركة رأس المال والتحويلات النقدية السريعة والأمان.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
