أثارت تصريحات للواء سمير فرج، الخبير العسكري والاستراتيجي، يطالب فيها الشعب المصري بالصبر خلال تلك الفترة التي قارنها بفترة حرب الاستنزاف، حالة اسعة من الجدل خلال الساعات الماضية.
وقال فرج في تصريحات تلفزيونية، إن الاستثمار في العنصر البشري وتوعيته هو أمر بالغ الأهمية، لاسيما في ظل حروب الجيل الرابع والخامس التي تعاني منها مصر.
وأضاف أن الجميع يعيش اليوم على السوشيال ميديا ويقرأ الكثير من المعلومات مجهولة المصدر، دون التحقق من صحتها.
وتابع فرج: دورنا أن نُوعّي الناس ويروا ما يحدث حولنا، وإزاي مصر مستهدفة، لازم نحافظ على مصر هذه الفترة، مصر منورة مش عايزين هذا النور يروح، أو نبقى زي هنا أو هنا، خاصة أننا مستهدفين مش عايزين يسيبونا في حالنا.
وشدد فرج على ضرورة الثقة في الشعب والجيش والرئيس والحكومة حتى تستمر مصر، متابعا: نستحمل إحنا قعدنا 6 سنين في حرب الاستنزاف كانت الأسرة بتأخذ فرختين في الشهر على البطاقة، حد اتكلم وقال لأ! اتحملنا حتى حققنا النصر، نعدي الفترة الجاية؛ لأن الكل علينا والكل عايز يوقع مصر.
وطالب فرج بعدم مشاركة معلومات مجهولة المصدر، مضيفا: الرئيس يعلم أبعاد الدولة وحاطط الـ 100 مليون في حضنه، ويريد لهم الأمن والأمان، علشان كدا بنقول للشعب اصبر ما تصدقش أي كلام غلط وخليك واعي، بلاش تشير معلومات مجهولة المصدر، بكدا مصر تكبر بالشعب مع جيشها، ومصر منورة شوف حوالينا إيه! لازم نخاف على الكلام ده ونحافظ عليه.
