متابعينا الكرام في كل مكان اهلا وسهلا بكم وتحليل جديد لأخر الاحداث الاقتصادية المحلية والعالمية والتقارير اللي قدمتها وحدة أبحاث بانكير على مدار الساعة النهاردة السبت 23 نوفمبر 2024
منصات بانكير قدمت النهاردة عدد من التقارير المهمة عن الاقتصاد المصري والعالمي..
البداية عن دولارات رجال الأعمال وشرح التقرير إنه من كام شهر تحديدًا في مارس اللي فات، لما الجنيه المصري اتخفض، الدنيا اتغيرت والسوق السودا للدولار اختفت تقريبًا، والبنوك رجعت تبقى الملاذ الآمن للتحويلات قرار زي ده كان مفروض يخلّي الدولار كله تحت سيطرة الحكومة.
واتكلم التقرير عن مصادر الدولار للي بعيدة عن سيطرة الدولة وقال إن بعض رجال الأعمال بيحتفظوا بجزء من إيرادات الصادرات في شركات بره مصر علشان يمولوا واردات مالهاش أولوية أو مش أساسية، ودي حاجات البنوك هنا ما بتمولهاش. وكمان شركات السياحة مش كل الإيرادات السياحية بتدخل البنوك. فيه جزء بيتحجز بره النظام المصرفي.
ولفت التقيرير إن الشركات دي بتشوف إنها محتاجة حرية أكتر في استخدام فلوسها الدولارية عشان تغطي احتياجاتها..المشكلة إن في وقت الحكومة فيه محتاجة كل دولار يدخل البلد الوضع ده بقى عامل قلق.
وشرح تقرير بانكير إن الحكومة محتاجة كل دولار يدخل النظام المصرفي المصري خصوصًا مع التحديات الاقتصادية الأخيرة وتراجع ايرادات بعض مصادر العملة الصعبة زي ما حصل مثلا في إيرادات قناة السويس اللي قلت بشكب واضح والضغوط على الجنيه زادت وكل دولار بقى ليه قيمة كبيرة عشان كده الحكومة بدأت تاخد خطوات عشان تجيب الدولارات دي جوه البلد
التقرير التالي اللي قدمته منصات بانكير كان خاص باللي بيحصل في منطقة أبومروات وقصة غزو الدهب المصري لأسواق العالم
وأشار بانكير إن مصر بتنتج حوالي 15.8 طن من الدهب سنويا وعندها 270 موقع دهب، وشرح التقرير
إن احتياطى مصر من الدهب يقدر بـ 7.3 مليون أوقية حاليا، وأنتجت العام المالى الماضي حوالى 560 ألف أوقية من الدهب ومخطط توصل إلى 800 ألف أوقية من الدهب خلال 2030
وسلط التقرير الضوء على تصريحات شعبة صناعة الدهب الأخيرة واللي قالت فيها إن خطة الحكومة المصرية بتستهدف دخول مصر ضمن أكبر 20 دولة مصدرة للمشغولات والمعادن الثمينة خلال 2025 والشعبة استندت في توقعاتها إلى تعاظم صناعة الدهب في مصر واللي ليها سمعة دولية ممتازة وعشان كمان الاكتشافات الأخيرة لمعدن الدهب في اكتر من منجم..
واستعرض التقرير امكانيات قطاع التعدين في مصر وخاصة خام الدهب وكشف التقرير إن شركة مناجم أبومروات لاستخراج الدهب، قيمت احتياطياتها من الدهب إلى نص مليون أوقية..
ولفت التقرير إن منجم السكري في مصر هو أكبر منجم مكشوف في العالم ووصل حجم إنتاجخ لـ 500 ألف أوقية (أونصة) من الدهب سنويا وإن كل الاكتشافات دي بتقول إن مصر هتكون رقم مهم في سوق المشغولات الذهبية من خلال التصدير للأسواق العالمية
وحدة أبحاث بانكير قدمت تقرير مختلف النهاردة بيقول إن مصر تستعد لقفزة اقتصادية كبرى
وشرح التقرير إنه خلال الساعات اللي فاتت كان فيه لقاء بين الدكتورة رانيا المشاط وزيرة التخطيط والتنمية الاقتصادية ووفد من البنك الدولي لبحث استراتيجية الاستثمار الأجنبي المباشر في مصر..
وشرح الثقرير إن الاستراتيجية دي بتستهدف تحفيز القطاعات المختلفة زي الصناعة، والزراعة، والطاقة، والسياحة .. وبتوضع خطة طويلة المدى للتنمية المستدامة خلال الفترة من 2025 لحد 2030..
ولفت بانكير إنه بحسب كلام الوزيرة، الآلية دي بتعتبر جزء من شراكة استراتيجية مع الاتحاد الأوروبي تهدف لتوفير تمويل مختلط وخلق فرص استثمارية متنوعة. كل ده هيزيد من قدرة مصر على المنافسة الاقتصادية.
وكشف التقرير إن المؤشرات الحالية بتشير إلى إن مصر تمتلك بنية تحتية متطورة، وأيضاً يوجد توافق مع الشركاء الدوليين على تعزيز التعاون الاقتصادي.. ومع امتلاك مصر لموقع جغرافي استراتيجي بيتيح لها التوسع في أسواق الشرق الأوسط وأفريقيا، يبقى الإطار العام واعد.
التقرير الأخير معانا النهاردة بخصوص اللي هيحصل في مصر لنهاية 2024
ولفت التقرير إن البنك المركزي في اجتماع لجنة السياسة النقدية الأخير قرر إنه يثبت سعر الفايدة من غير تغيير للمرة الخامسة على التوالي.. وده خلا ناس كتيرة تسأل عن سب القرار ومعناه وتأثيره على السوق وعلى اسعار السلع في مصر
وشرح بانكير إن قرار تثبيت الفايدة مؤشر كبير بيقول إن فيه توازن دقيق بيحاول البنك المركزي يعملوا عشان يسيطر على التضخم ويمنع ارتفاع الأسعار
ولفت التقرير إن البنك المركزي بيعمل اللي يقدر عليه عشان يسيطر على الموقف.. لكن الحلول مش في إيده لوحده لازم يبقى فيه تكاتف ما بين كل الجهات عشان نقدر نقف على رجلينا تاني.
وشرح التقرير إن القرار ده ممكن يبان إنه مجرد خطوة تقنية لكنه في الحقيقة بيأثر على كل حاجة في حياتنا.. فكر في كل تفصيلة الأسعار، القروض، الاستثمارات، وحتى قيمة الجنيه اللي في جيبك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
