يا ترى إيه هي مكاسب مصر من مشاركتها في قمة العشرين الاخيرة في البرازيل، والمكاسب أو الثمار دي ممثلة في إيه، فلوس ولا صفقات ولا استثمارات، وامته ممكن نستفيد بيها وتظهر بشكل رسمي في السوق المصري.. هنقولك كل التفاصيل في التقرير ده.
في البداية، مشاركة مصر في قمة دول العشرين، بيأكد على دور مصر القيادي والريادي العالمي، وكمان مصر هتقدر تجني مكاسب اقتصادية كتيرة، أهمها تعزيز الشراكة الاقتصادية والتجارية بينا وبين دول المجموعة، خاصة وأن الاتحاد الإفريقي تم قبول عضويته رسميا في مجموعة العشرين السنة اللي فاتت، وأن مصر هي صوت وبوابة أفريقيا والمتحدثة باسمها.
كمان، المشاركة دي بتعتبر الرابعة لمصر في قمم المجموعة، والقمة دي بالذات لها أهمية خاصة لمصر في ظل الأحداث اللي أثرت على الأوضاع الداخلية، عشان كده من أهم المكاسب الإستراتيجية والاقتصادية اللي ممكن نحققهاؤ هي جذب الاستثمارات الأجنبية للسوق المصرية.
كمان، القمة المرة دي بتعتبر فرصة لعرض المشروعات التنموية الكبرى اللي نفذتها الحكومة المصرية، زي محور قناة السويس ومشروعات البنية التحتية، وده بيساهم في تعزيز مكانة مصر كوجهة استثمارية مستقرة وآمنة.
ضيف على كل ده، إن قمة العشرين بتعتبر فرصة قوية في الترويج للإصلاحات الاقتصادية والاستثمارية اللي بتمنحها مصر باستمرار للمستثمرين ورجال المال والأعمال ، زي الرخصة الذهبية، واللي بتعمل على تيسير الإجراءات لتسهيل دخول الاستثمارات الأجنبية، وكمان بتعتبر فرصة دهبية للترويج للفرص الاستثمارية والاجتماعات الثنائية مع الدول والشركات والمؤسسات الحاضرة.
ضيف على كل ده، إن المشاركة في قمة مجموعة العشرين ، بتساهم في تعزيز دور مصر الإقليمي والدولي، يعني المشاركة بتمكنا من طرح قضايا الدول النامية، خاصة الإفريقية والعربية، وتعزيز تواجدنا في صياغة السياسات الدولية، وده ليعكس دور مصر كممثل للدول النامية في القضايا الاقتصادية والسياسية، وكل ده بيدعم جهودنا لتحقيق تنمية شاملة ومستدامة .
ولكن، مهم جدا للحكومة المصرية انها تحقق الاستفادة القصوي من المشاركة في قمة العشرين، خاصة وإن أعضاء مجموعة العشرين بتعتبر من أغنى دول العالم وبتمثل أكتر من 80% من حجم التجارة العالمية، وكل ده بيعزز من الشراكة الاقتصادية والاستثمارية بين مصر ودول المجموعة.
والمرة دي، قمة العشرين ناقشت عدد من القضايا المهمة، وعلى رأسها زيادة حجم التجارة والاستثمار والتعاون بين الدول الأعضاء وقضايا الذكاء الاصطناعي وتحقيق التنمية المستدامة والأمن والقضاء على الجوع وتحقيق الأمن الغذائي اللي بتفتقده كتير من دول القارة الأفريقية.
ومش بس كده، لأ ده كمان هتساهم في تعزيز التجارة البينية وزيادة حجم التبادل التجاري بين مصر ودول مجموعة العشرين وفتح أسواق جديدة للمنتج المصري بدول المجموعة، إضافة لتعزيز التعاون الدولي والشراكة الاقتصادية بين مصر ودول مجموعة العشرين في مجالات متعددة، زي التجارة والاستثمار والأمن الغذائي والتنمية المستدامة، خاصة وإن دول المجموعة بتمتلك خبرات تكنولوجية متقدمة في الصناعة والزراعة وتكنولوجيا الاتصالات والمعلومات وغيرها, إضافة إلى تحقيق مكاسب الترويج للسياحة المصرية وجذب الوفود السياحية من دول المجموعة لزيارة مصر .
وأخيرا، مشاركة الرئيس عبدالفتاح السيسي في القمة التاسعة عشر لمجموعة العشرين في مدينة ريو دي جانيرو البرازيلية، جت بدعوة من الرئيس البرازيلي لولا دا سيلفا، وده بيؤكد دور مصر الإقليمي والعالمي، خاصة وإن المشاركة دي هي الرابعة لينا في قمم المجموعة، وكل ده بيساهم في تعزيز الشراكة الاقتصادية والتجارية مع دول المجموعة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
