لو الأمور معاك مش تمام، ونفسك تسافر وتحقق حلمك، يبقي الفيديو ده ليك خصوصا أني هقولك علي سفرية مضمونة مليون في المية في دولة في الخليج وبمرتبات حلوة جدا والشغل مضمون.. لو عايز تعرف كل التفاصيل دي شوف التقرير ده للأخر
في نسبة كبيرة من شبابنا نفسه يسافر للخارج ويرجع يحقق حلمه ويكون بيت وأسرة، خصوصا أن الاوضاع عندنا هنا في مصر مش احسن حاجة بسبب التغيرات الكتير اللي حصلت في اسعار الصرف والتغيرات اللي حصلت في العالم كله واللي اثرت علي مصر، واللي بسببهم الأمور الاقتصادية في مصر بقت صعبة شوية.
التغيرات دي كلها، خلت الشباب بيدور علي اي فرصة سفر للخارج، وطبعا للاسف في نسبة كبيرة منهم بتقع فريسة سهلة لعمليات وشركات الحاق عمالة بالخارج وفي الأخر بتكون السفرية فشنك.
وزارة العمل أعلنت عن فتح باب التقديم على وظائف فى مجالات التسويق والمبيعات والشيفات للعمل فى واحدة من اكبر المؤسسات السعودية.
وزارة العمل قالت في نشرتها، أنها بدأت تلقي طلبات التقديم لشغل الوظائف الجديدة بالسعودية يوميا خلال الفترة من الساعة 8 صباحا ولحد الساعة 3 مساءا بمقر الإدارة العامة للتشغيل بمقر وزارة العمل القديم واللي موجود في 3 شارع يوسف عباس بمدينة نصر بمحافظة القاهرة.
والأوراق المطلوبة للالتحاق بالوظايف الجديدة بالسعودية، هيا صورة جواز سفر سارى وصورة المؤهل والسيرة الذاتية للمتقدمين ويكون عنده خبرة في المجال اللي عايز يقدم عليه.
أما بخصوص الشروط اللي حددتها وزارة العمل لقبول طلبات المتقدمين فهيا أنه يكون المتقدم حاصل على مؤهل عالى مناسب، ويكون عنده خبرة سابقة فى مجال الدعاية والإعلان، ويفضل ان يكون له سابقة شغل في مجال السياحة والفنادق، ويكون عنده موهبة فى تقديم المحتوى الإعلامي.
وحسب اعلان الوزارة المرتبات للوظايف الجديدة هتتراوح ما بين 3000 إلى 8000 ريال كل شهر، ده غير أن السعودية هتوفر مزايا للعاملين المصريين زي عقود عمل سنوية، وتذكرة طيران سفر وعودة بعد السنة الأولى فى حالة التجديد، وسكن ملائم للعاملين .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
