كشف إسماعيل الليثي والد ضاضا عن اللحظات الأخيرة في حياة نجله مشيرًا إلى سلوكه وتصرفاته التي تؤكد أنه كان يشعر بما سيحدث، كما تحدث والد ضاضا عن تفاصيل وسبب ذهاب طفله إلى جدته قبل الوفاة وعن آخر طلب له، وهذا وسط انهياره خلال حلوله في برنامج واحد من الناس مع الإعلامي عمرو الليثي.
إسماعيل الليثي يكشف اللحظات الأخيرة في حياة ضاضا
حل والد ضاضا المطرب الشعبي إسماعيل الليثي ضيفًا على برنامج واحد من الناس مع الإعلامي عمرو الليثي، وكشف إسماعيل الليثي اللحظات الأخيرة في حياة طفله ضاضا وتفاصيل وسبب ذهابه إلى منزل جدته، وقال إسماعيل الليثي: "وقفني قبل وفاته يقولي استني اجيب حاجات لاخواتي وسيبني اشتري كل اللي انا عايزه ودخل الجامع يصلي وسلم على كل الناس اللي بيحبهم، وقالي آخر يوم هقعد عند ستي عشان بيحب يروح عندها و بعد ما راح معاها قالها أنا عايز أبويا يجي وفضل عايز ينزل يجيلي وبعدين قالها عايز كوباية لبن وفي كنبة قدام الشباك هو راح طلع وقعد على الشباك معرفش نام ولا جسمه تقل ونزل بدماغه على التكييف ومن التكييف وقع على السطح جدته لقت لمة على السطح وهو بيترعش وجت سكرات الموت".
وتابع وفقًا لما يرصده موقع تحيا مصر: "نزل من العاشر للتامن، واتنفض على السطح اللي في وشنا بالرغم من إن جسمه مليان، وكان عنده 8 سنين ونص".
رد فعل إسماعيل الليثي لحظة علمه نبأ وفاة نجله
كشف إسماعيل الليثي عن رد فعله بعد علمه خبر وفاة طفله، وأكد أنه كان يشعر قبل أن يخبره أحد، حيث قال: "عرفت الخبر بعد ما دفعتله مصاريف المدرسة، وروحت نمت لقيت حد بيخبط وبيقولي تعالى في مشكلة قولتله في ايه رضا مات، ورحمة ابني حسيت بوفاته معرفش نزلت وصلت إمبابة دي ازاي وطلعت أجري كانوا لافينه بملاية بتاعت سرير ووشه غرقان دم ولما عريت وشه كان أكنه بيضحك مش متخيل أصلا إنه مات هو كان معايا وعمال يضحك ويهزر قبلها بكام ساعة".
إسماعيل الليثي ينهار من البكاء على فراق نجله ضاضا: بقيت حاسس إن الدنيا ملهاش لازمة
تابع إسماعيل الليثي حديثه عن طفله ضاضا وعن شعور الفقد والألم الذي يشعر به، كما تحدث عن سبب طرحه أغنية ابن عمري وقال إسماعيل الليثي: "حسيت إن الدنيا خلصت ومفيش حاجة ليها لازمة اكنك خدت من واحد روحه وقلبه وعينه الحمدلله انا راضي بس هو بيوحشني والفراق وحش وبقول ربنا كان خدني انا وخلاه هو وعملتله أغنية اسمها ابن عمري مش عشان تنجح ولا تخسر انا عمري ما جريت ورا حاجة ومبطلبش من حد حاجة بس عشان أوصل إحساسي لكل الناس وكل كلمه فيها ليه".
