كشف الفنان أمير المصري عن الأمور التي حمسته للمشاركة في فيلم in camera، الذي تم عرضه ضمن فعاليات مهرجان القاهرة السينمائي الدولي الـ 45.
أمير المصري يتحدث عن مشاركته في فيلم in camera
وقال أمير المصري في حواره مع موقع تحيا مصر: الورق جذبني لفيلم in camera، احنا مش بنعمل الافلام دي عشان نكسب منها حاجة غير أننا نشارك في تجربة جديدة، والمخرج شخص مثقف جدا وهو بروفيسور في الجامعة من صغره كان 26 سنة، وشوفت فيلم قصير ليه حسيت أن أنا بتفرج على فيديو في متحف، كان حاجة مش عادية.
أمير المصري: مفهمتش حاجة من فيلم in camera أول لما قرأته
وتابع أمير المصري: وبالصدفة هو اتفرج على limbo وبعت لمدير أعمالي في بريطانيا وبعتلي الورق مفهمتش أي حاجة ودوري مكانش مكتوب، اللي كان في السيناريو ايه اللي هيحصل في المشهد وكام جملة كدا، فكلمته وقولتله احنا هنكتشف مع بعض وبعتلي معالجة 200 صفحة وأغلب الصفحات كانت صور لمشاهير، وقالي أنا عايزك الشخص اللي لما بيكون في مكان هو اللي بيملاه، وقولت اه على طول عشان حبيت دماغه جدا عشان كنت عايز اعمل حاجة مختلفة.
تفاصيل فيلم In Camera
تدور قصة فيلم "In Camera" الذي يرصده موقع تحيا مصر حول ممثل شاب يواجه سلسلة من محاولات التمثيل غير الناجحة، حيث يبحث بلا كلل عن فرصة لتحقيق حلمه، لكنه يواجه رفضًا متكررًا يدفعه إلى رحلة لاكتشاف معنى جديد لحياته ودوره. الفيلم من تأليف وإخراج نقاش خالد في أول تجربة له بالإخراج، ويشارك في بطولته إلى جانب أمير المصري كل من نبهان رضوان وروري فليك بيرن.
أخر أعمال أمير المصري في الدراما المصرية
وكانت أحد أعمال الفنان أمير المصري مسلسل مليحة الذي عرض في موسم رمضان الماضي من بطولة دياب، أشرف زكي، ميرفت أمين ، سيرين خاس، حنان سليمان، ومن تأليف رشا الجزار وإخراج عمروعرفة، وتدور أحداثه حول أسرة فلسطينية تحاول العودة لـغـزة عن طريق مصر، ولكن تواجه العديد من الصعوبات.
