ليه الحكومة عملت احتفالية خاصة بعودة شركة النصر للسيارات وليه المصريين كلهم فرحوا بعودة الشركة للعمل والمكن رجع يشتغل تاني في خطوط الانتاج وايه قصة النصر للسيارات وازاي السيسي رجعها للحياة من تاني وايه الرسالة اللي الدولة وصلتها من خلال إعادة تطوير وتحديث الشركة كل دا هنعرفه مع حضراتكم بالتفصيل في الفيديو ده خليكم معانا للآخر
شركة النصر للسيارات تقدر تقول ليها وضع خاص لأنها مش مجرد شركة سيارات لكن كانت رمز من رموز الاستقلال الوطني وقتها ورمز لبداية عهد التصنيع الثقيل في مصر وتحديدا في ستينات القرن الماضي لما مصر قررت تعمل ثورة صناعية بعد الجلاء ونهاية الاحتلال وعملت مصانع الحديد والصلب بحلوان ومصانع الغزل والنسيج في شبرا والمحلة الكبري وبدأت تصنع أجهزة التلفزيون والترانزستور والملابس والتلاجات وساعتها مصر كانت على وشك تبقي كوريا أو اليابان لولا اللي حصل بعدها في 67 والحروب اللي دختلها مصر وتكلفتها العالية اللي خلت الجهود تروح كلها للمجهود الحربي وبالتالي إهمال تطوير المصانع ودا غير أن مكانش فيه آلية للتطوير المستمر للمصانع دي ودا غير حاجات تانية كتير ساهمت في تدهور الصناعة المصرية ودا خلاها تتخلف عن منافسة المنتج الأجنبي
طيب إيه اللي حصل بعدها ؟
نتيجة الإهمال في حقبة السبعينات والتمانينات كتير من الشركات دي بقت تحقق خسائر ضخمة وفيه كتير منها قفل أو اتدهورت ومنها شركة النصر للسيارات واللي كانت يتصنع اغلب وسائل النقل بداية من التاكسي والمالكي لغاية اللوري والاتوبيسات والجرارات الزراعية وفضل الوضع على كده لغاية وصول الرئيس السيسي للحكم واللي قرر ينقذ ما يمكن إنقاذه من قلاع الصناعة المصرية القديمة وبدأت رحلة تطوير شاقة ومكلفة وبدأت بتأهيل المصانع وتطويرها سواء في الغزل والنسيج أو الحديد والصلب والأسمنت والملابس الجاهزة ومنها شركة النصر للسيارات واللي النهاردة مصر بتحتفل بعودتها للانتاج بعد توقف 10 سنين و بدأت في تجميع 110 أتوبيسات سياحية بالتعاون مع شركة “يوتنج الصينية” وبتسعى دلوقتي لدخول السوق بقوة خلال الفترة المقبلة بإنتاج أول أتوبيس جديد بعد عودة الحياة لمصانعها في منطقة وادي حوف بحلوان.
خطة تطوير النصر للسيارات بتشمل في تصنيع الأتوبيسات الكهربائية محليًا في 2025 ومخطط ترجع شركة كبري ضمن مخطط توطين صناعة السيارات في مصر مع الشركات العالمية اللي بدأت تدخل مصر في الشهور الأخيرة واللي بتهظف لتحويل مصر لمركز عالمي لصناعة السيارات والتصدير كمان.
الدكتور مصطفى مدبولي رئيس الحكومة قال النهاردة في احتفالية عودة شركة النصر لصناعة السيارات للإنتاج ضمن توجيهات الرئيس المصري عبدالفتاح السيسي بالاهتمام بالصناعة إن الحكومة بتعمل على الاستغلال الأمثل لأصول الدولة، وإنه لا تفريط في أي من تلك الأصول وقال كمان إن الحكومة حاولت بكل السبل لإعادة شركة النصر للسيارات للعمل من جديد.. وعملنا على عدم تكرار المشاكل التي تهدد عمل شركة النصر للسيارات ودي رسالة الحكومة وهي أنه سيتم استغلال اي أصول صناعية وإدخالها الخدمة مهما طال الزمن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
