الدولة شغلها الشاغل دلوقتي هو توفير حياة كريمة للمواطنين ودا تنفيذ لتوجيهات الرئيس عبد الفتاح السيسى بتخفيف العبء عن الناس وتوفير السلع بأسعار مناسبة وتقديم مختلف صور الدعم الممكنة ليهم، وامبارح وزير التموين ومحافظ القاهرة افتتحوا أول أسواق اليوم الواحد بمدينة نصر واللي هيخدم عدد كبير جدا من المواطنين .
وعايز اقولك يا عزيزي إنه بعد أسواق اليوم الواحد هيبقي فيها كل السلع الأساسية زي الزيت والسكر والأرز والخضار والفاكهة والعصائر ، والعسل، والبقوليات وتوافر البيض وكل حاجه هناك حرفيا بأسعار مختلفة.. ومش كده والسلع هناك الجودة بتاعتها عالية جدا وكمان بأسعار أقل من اللي في السوق العادي بنسب تخفيض بتبدأ من ٢٠% لحد ٥٠% فى بعض السلع وهو دا بقى الهدف من فكرة السوق الواحد واللي هيلف محافظة القاهرة الفترة اللي جاية .
ودا اللي أكد عليه الدكتور ابراهيم صابر محافظ القاهرة وقال ان الهدف من سوق اليوم الواحد هو إلغاء الحلقات الوسيطة بين المنتج والمستهلك لتقليل التكلفة وكمان هيكون في ٥٠ سيارة لبيع السلع الغذائية للمواطنين مشاركة في السوق وهيتم إقامته السوق كل يوم جمعة بنفس المنطقة من الساعة 9 صباحا ولحد 5 مساء.
وكمان المحافظ قال ان تم توفير ٤ قطع أراضي المرج ، والسلام ، و١٥ مايو ، والحى العاشر لتطبيق فكرة سوق اليوم الواحد عليها لضمان استفادة أكبر عدد ممكن من المواطنين بالتخفيضات اللي بيقدمها السوق.
وكمان هيوفر المنتجات الغذائية بأسعار اقل من العادية وكمان بجودة عالية ودا بالتعاون مع وزارة التموين، والغرفة التجارية، وشركات القطاع العام والخاص، والمبادرات المجتمعية المختلفة ...
السوق مش هيكون لسكان القاهره بس لان الوزير وعد وقال إنه التجربة هيتم تعميمها على مستوى الجمهورية قريب بعد ثبات نجاحها..
ولحد هنا الفيديو خلص .. احفظ الفيديو دا عندك علشان لو هتروح السوق يوم الجمعة اللي جاية تبقى عارف المناطق اللي هيتعمل فيها السوق ..
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
