متابعنينا الكرام في كل مكان أهلا وسهلا بكم وتحليل جديد لاهم الأحداث على مدار الساعه واللي قدمتها منصات بانكير على مدار اليوم النهاردة السبت 26 أكتوبر 2024..
البداية مع الحدث الأهم النهاردة وهو احتفال اتحاد القبائل المصرية باحتفالات ذكرى نصر اكتوبر رقم 51 في حضور الرئيس السيسي والشحضخيات العامة وفئات مختلفة من الشعب المصري واللي اتعمل في ستاد مصر بالعاصمة الادارية الادارية الجديدة.
وأكد الرئيس إن نصر أكتوبر هو نصر ملهم كان وراه ارادة شعب كامل رفض الهزيمة واللي انتوا بتشوفوه دلوقتي كان تحدى التحدي وكان العالم والخبرا بيقولو مستحيل مصر تعبر وتنتصر عشان خط بارليف وفرق التسليح والروح المعنوية لكن الشعب المصري أصر وتحدي نفسه وعشان كده الانتصار دا غالي وادفع فيه كتير والرئيس السادات دفع حياته.
وخاطب الرئيس السيسي الشعب المصري وقال إنه بالإرادة والوحدة هنقدر نعبر كل التحديات والصعاب ووجه الرئيس التحية لكل السيناوية اللي استحملوا كل الظروف القاسية عشان بلدهم.
كمان وجه الرئيس السيسي الشكر لكل للي نظم الاحتفالية ووجه شكر خاص للفنان محمد منير والتحية للطفل أنس من أسوان .
منصات بانكير قدمت تقرير مختلف عن لغز تحركات الدولار الأخيرة وتوقعات سعر العملة الأمريكية الفترة الجاية
وقال التقرير إنه في الأيام الاخيرة الدولار بيشهد ارتفاعات طفيفة لكنها سريعة ووصل لأعلى سعر في بعض البنوك زي مصرف أبوظبي الإسلامي اللي سجل 48.77 جنيه للشراء، و48.85 جنيه للبيع.. وعلى الجانب التاني سعر الدولار في البنك المركزي عند مستوى 48.67 للشراء و48.81 للبيع، وفي بنوك الأهلي المصري وبنك مصر سجل سعر الدولار حوالي 48.71 جنيه للشراء و48.83 جنيه للبيع.. ورغم التغيرات دي رئيس الحكومة مصطفى مدبولي أكد إن حركة النقد الأجنبي منتظمة، وإن مفيش نقص في الاحتياجات الأساسية ولا أي تأخير في توفير المواد الخام ومستلزمات الإنتاج.
وشرح التقرير إن مدبولي أكد كمان إن الحكومة ملتزمة تمامًا بسداد التزاماتها من ديون وفوائدها في مواعيدها حتى مع الظروف الاقتصادية الصعبة اللي بتمر بيها مصر.. وقال إن مفيش أي نية دلوقتي لتطبيق تعويم جديد لسعر الصرف وإن الحكومة بتتابع حركة السوق باهتمام بالتنسيق مع البنك المركزي.
وسلط التقرير الضوء على توقعات الأيام الجاية في سوق الصرف واغلب الخبراء شايفين إن الدولار والجنيه ممكن يواجهوا تغيرات طفيفة لكن ثابتة خلال الفترة اللي جاية.
ولفت التقرير إن وكالة رويترز على سبيل المثال بتتوقع إن النمو الاقتصادي المصري ممكن يرتفع بشكل تدريجي ويوصل لـ4% لحد نهاية يونيو 2025.
التقرير التالي اللي قدمتها منصات بانكير كان بخصوص التطورات الأخيرة بين الحكومة وصندوق النقد
مصر تُغير لهجتها وصندوق النقد يتحرك .. إيه اللي بيحصل في الكواليس
ثامب: إيه اللي بيحصل في الكواليس بين مصر وصندوق النقد
وقال التقرير إنه بعد شهور من التطبيق الصارم للإصلاحات الاقتصادية مصر النهارده غيرت لهجتها فى الحديث عن برنامج الاصلاح الاقتصادي مع صندوق النقد الدولي..
وشرح التقرير إنه في المؤتمر الصحفي الأخير لرئيس الحكومة مدبولي لمح إن المناقشات مش بس هتدور حول الجدول الزمني للإصلاحات لكن كمان حوالين الأهداف نفسها وده بيعني إن الحكومة بتسعى لتخفيف الأعباء الاجتماعية والاقتصادية على الناس
ولفت تقرير بانكير إن كريستينا جورجيفا مديرة الصندوق استجابت واتفاعلت سريعًا مع تصريحات رئيس الحكومة وأعلنت إنها هتسافر مصر خلال 10 أيام لمتابعة الوضع بنفسها والتأكيد على أهمية التمسك بالإصلاحات المطلوبة..
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
