هاجم اللاعب “محمد طارق” مجلس إدارة نادي الزمالك برئاسة “حسن لبيب” وذلك بسبب عدم تسجيله في القائمة المحلية للفريق وفسخ تعاقده قبل بداية الموسم القادم، وقد أغلق الاتحاد المصري باب القيد لتسجيل اللاعبين للموسم الجديد مساء أمس الجمعة.
وكتب محمد طارق لاعب الزمالك السابق عبر حسابه الشخصي “ستوري” علي موقع “إمستجرام”: “بعد اغلاق القيد عاوز اقول كلمتين اولا.. بلاش تتخدعو في الناس والواحد مكنش محتاج حاجه من حد غير شويه احترام واحترافيه في التعامل لكن ده محصلش وانا مبحبش اتكلم كثير بس النهارده انا شبه هقعد شهرين بدون نادي”.
وأضاف محمد طارق: “تعالو نعكسها كده لو انا لاعيب وسبت النادي بتاعي وهو محتاجتي اوي وروحت نادي تاني علشان فلوس أو غيرو الناس والجمهور بيقلبو الدنيا لما النادي الي أتربيت فيه ولعبت وكسبت معاه بطولات ولو جزء صغير من النادي وابن النادي واكون راجع من أولمبياد وارجع علشان انزل التمرين واكلم المسؤولين”.
وأكمل: “شهرين محدش يرد ولا يتواصل معاك علي فكره معنديش مانع تفسخ معايا عادي جدا هي ديه الكوره وده جزء من الاحتراف لاكن انتو لا ترتقو انكو تكونو مسئولين في نادي كبير، ولا تعرفو يعني ايه احترام للاعب الصغير قبل الكبير عكس اي نادي تاني، لاكن الجمهور واللاعبين احب اشكرهم على كل يوم قضيتو داخل النادي وبحبكو جدا وشكرا على كل الحلو الي عشتو والبطولات الي خدناها سوا”.
إقرأ أيضاً.. سحب عينات المنشطات للاعبي الأهلي والزمالك بعد السوبر المصري
