تنظر الدائرة 19 شمال بجنايات شمال القاهرة المنعقدة بالعباسية برئاسة المستشار ناجي الحايس ، غدا الاحد ، أولى جلسات محاكمة المطرب الشعبي سعد الصغير؛لاتهامه بتعاطي المخدرات.. وقبل محاكمته نستعرض أقواله أمام جهات التحقيق المختصة.
أقوال سعد الصغير في التحقيقات
واعترف سعد الصغير بحيازته سجائر إلكترونية ولكنه أنكر علمه على أنها تحتوي على المخدرات من جوهري الحشيش والمخدر أثناء عودته من أمريكا مرورًا بالدوحة متوجهًا إلى مصر.
وقال سعد : «اللي حصل إن أنا من حوالي 4 أيام سافرت أمريكا كنت رايح أشتغل وأعمل حفلتين للي منظمهم، وهو اللي طلبني في أمريكا ونظملي الحفلتين وبعد ما خلصت أداني هدية مجموعة من الفيب - سجائر إلكترونية - وقال فرقهم على الفرقة بتاعتك عشان هو عارف إني مش بشرب سجاير، وأنا كنت عارف إنها سجائر عادية فأخدتهم وركبت الطائرة من أمريكا وكنت راجع على مصر وفيه ترانزيت في الدوحة في قطر، وكنت معايا شنطة واحدة فيها لبسي منهم بدلتين، وفيهم الكيس الأسود اللي جواه سجاير الفيب - السجائر الإلكترونية- اللي إدهالي، ووصلت مطار القاهرة قبل الفجر».
مفتش المطار : «قالي السجائر رائحتها مش حلوة»
وتابع : «لقيت فرد جمرك بيسألني معاك حاجة قلت له مش معايا غير شوية سجائر فيب، وقالي هات الشنطة الفيب دي هتتجمرك وخد الشنطة وفتحها ولقى في الكيس حوالي 19 جهاز سيجارة فيب، وقالي إن في 9 منهم ريحيتهم مش حلوة، قلت له يعني إيه قالي يعني كويسين؟ قلت له طب اتأكد عشان كلهم زي بعض، وقالي لا هم الـ 9 دول مش كويسين، وعمل محضر ورجعلي باقي السجائر الفيب والشنطة وخد الـ 9 اللي بيقول عليهم، وده كل اللي حصل».
وأقر أن السجائر التي بحوزته كان الشخص أخبره أنها بنكهات مختلفة حيث أعطاه 19 جهاز فيب بنكهات تفاح وعنب وحاجات تانية موضحًا أن الشخص هو راغب منظم منظم الحفلتين اللي كانوا في أمريكا، من أصل مصري وعايش في أمريكا.
أمر إحالة سعد الصغير
وأمرت النيابة العامة بإحالة المتهم سعد الصغير محبوسًا إلى محكمة الجنايات المختصة؛ لمعاقبته على ما أُسند إليه من ارتكابه جناية إحراز جوهَرَي الحشيش والترامادول المخدريْن؛ بقصد التعاطي في غير الأحوال المصرح بها قانونًا.
وكانت النيابة العامة باشرت تحقيقاتها بسؤال ثلاثة من العاملين بمطار القاهرة الدولي، حيث شهدوا بأن جهاز الأشعة قد أظهر - أثناء فحص حقائب المتهم- وجود سجائر إلكترونية تحوي سائلًا مخدرًا بداخلها، وعلى إثر ذلك ضُبط المتهم.
وأثبت تقرير المعمل الكيماوي أن السجائر المضبوطة تحوي سائلًا لجوهر الحشيش المخدر، كما ثبت بتقرير الفحص احتواء العينة المأخوذة من المتهم على جوهَرَي الحشيش والترامادول المخدرين.
تابع أحدث الأخبار عبر
