كتير من المصريين بيدوروا على فرصة امتلاك شقة سكنية في مشروع صندوق التمويل العقاري، والمعروف باسم "سكن لكل المصريين"، عشان يستفيدوا من مميزاته الكتيرة.
عشان كده، في بنوك كتيرة، بتقدم منتجات بنكية، أهمها القروض، ومن هنا بيتيح بنك التعمير والإسكان قرض لشراء وحدة سكنية أو شقة جديدة.
وقال البنك إن طبقا لشروط العملاء اللي بتطبق عليهم المبادرة بسعر عائد 3%، فمتاح القرض على أساس متناقص لمدة أقصاها 30 سنة، بس لازم يكون العميل مصنف من ضمن فئات محدودي أو متوسطي الدخل حسب موافقة وتصنيف صندوق الإسكان ودعم التمويل العقاري.
أما عن شروط التمويل العقاري، فلازم يكون العميل مش أقل من 21 سنة، ومش أكبر من 65 للموظفين ولأصحاب المهن الحرة والمستشارين والقضاة وأساتذة الجامعة.
والحد الأقصى للسن 75 عاما لأصحاب المعاشات عند استحقاق القرض، ولكن بشرط سداد 40% بحد أدنى من قيمة الوحدة كدفعة مقدمة، مع تحويل المعاش للبنك.
كمان لازم القسط لا تتجاوز 40% من الدخل، بالإضافة لسعر الوحدة لمتوسطي الدخل، بيصل لمليون و400 ألف جنيه.
ومطلوب من محدودي الدخل 10% مقدم، أما متوسطي الدخل فمطلوب مقدم 15% في حالة لو كانت الوحدة أو الشقة تمنها بيوصل لمليون و100 ألف جنيه.
ولو حضرتك متوافر فيك الشروط دي، فلم ورقك واطلع على أقرب فرع لبنك التعمير والإسكان عندك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
