المتهم: كانت بينا خلافات من 5 سنين
الخميس 07/11/2024 - 11:04 م
«هو اللي وصلني اعمل فيه كده».. اعترافات مثيرة أدلى بها مالك محل عصير، المتهم بقتل نجل مالك قهوة أسوان بشارع الكورية بمصر الجديدة أمام المحكمة، خلال نظر أولى جلسات محاكمته التي تم تأجيلها إلى أول ديسمبر المقبل للاطلاع.
قاتل نجل مالك قهوة أسوان: «كنت بدافع عن نفسي»
المتهم قال أمام المحكمة: «أنا برىء يا باشا وكنت بدافع عن نفسي»، ولم تختلف تلك الاعترافات عن التي أدلى بها المتهم أمام جهات التحقيق.
اعترف المتهم «ناصر. ص» ، 28 سنة، حاصل على بكالوريوس نظم ومعلومات إدارية، باعترافات تفصيلية حول ارتكابه الحادث معترفا بقتل محمد عبد الرازق، شهرته «حمص»، نجل مالك قهوة أسوان بشارع الكوربة.
المتهم: كانت بينا خلافات من 5 سنين
وعن تفاصيل يوم الواقعة، قال المتهم «فيه خلافات بيني وبين محمد عبد الرازق، ومن حوالي خمس سنين حصلت بينا مشكلة، واتخانقا مع بعض وضربنا بعض وبعدها الناس جت فضت بنا والموضوع خلص، هو كان واخد حصة في العمارة اللي محل العصير بتاعي فيها، في شارع المسلة بالكوربة، وكان في قضايا بينا وبين صاحب العمارة وعلى طول كان بيحصل بينا مشادات لكن الناس كانت بتحوش، وآخر مرة جه عندي يزعق ويشتم من عند قهوة أسوان ولقيته جاي يزعق لحد محل العصير».
وتابع المتهم: «لقيت العمال بتوع القهوة جايين معاه فطلعت المطولة وضربته ومحستشي بنفسي وأنا بضربه في بطنه وجنبه، لحد ما ضربوني بالكراسي وقولتله انت اللي وصلتني اعمل فيك كده، وبعدين أمناء الشرطة وصلوا ومسكوني»، موضحا أن الواقعة حدثت في الساعة الثانية عشر في شارع المسلة في الكوربة بمصر الجديدة.
تابع أحدث الأخبار عبر
