بتفكر تستثمر فلوسك في شهادات بس مش عارف تشتري شهادة الادخار السنوية أو الثلاثية وانهي واحدة فيهم مكسبها اكثر وامتي موعد الحصول علي العائد ده.. واية هيا شروط شرائها.. لو عايز تعرف كل ده شوف الفيديو ده للآخر
زي ما احنا عارفين إن مصر من فترة طويلة اخذت قرار بتحرير سعر الخليج المصري بشكل كامل قصاد العملات الأجنبية والتغيرات اللي حصلت في اسعار الصرف خلت الناس تفكر الف مرة قبل ما تحط فلوسها في اي باب استثمار.
طيب إيه هو افضل باب ممكن المواطن يستثمر فيه فلوسه حاليا؟.
في نسبة كبيرة من الناس بتفضل تحط فلوسها في البنوك وتشتري شهادات استثمار او شهادات ادخار خصوصا أن شهادات الادخار واحدة من اهم الجوانب الاستثمارية في الوقت الحالي والموان فيها بيكون حاسب وعارف كل حاجة عن الشهادات الإدخارية، ومكسبها كام والفايدة امتي.. والموعد اللي من حقه أنه يسترد فلوسه وكمان بيكون ضامن فلوسه مليون في المائة .
الخبراء المصرفيين، قالوا إن شهادات الادخار السنوية خيار مناسب للأفراد اللي عايزين يستثمروا فلوسهم فترة قصيرة، خصوصا إن النوع ده من الشهادات بيمنح ميزة مهمة جدا وهيا مرونة السيولة، ولو بتخطط أن تاحد فلوسك في مشروعات أو هتجتاجها في المستقبل القريب فشهادة الادخار السنوية هتوفر لك الفرصة دي وهتقدر تستفيد منها بفايدة كويسة علي مدار سنة واحدة بس، وممكن كمان تقدر تستثمر الفايدة بتاعتها في شراء شهادات تانية بعد ما تنتهي مدة الشهادة الاولي .
مش كده بس لا ده الشهادات السنوية بتمنح اللي شاريها القدرة على التحرك بسرعة مع تغيرات أسعار الفايدة، ولو ارتفعت أسعار الفايدة يقدر المواطن يعيد استثمار رأس المال في شهادة جديدة بفايدة أعلى، والفايدة بتاعته الشهادات السنوية بتكون أقل من الشهادات الثلاثية بسبب قصر مدة الاستثمار وانخفاض مستوى المخاطرة .
اما شهادة الإدخار الثلاثية فتوفر خيار للأفراد اللي عايزين يحققوا مكسب أعلى على فلوسهم مقابل الاحتفاظ بيها لأول فترة ممكنة، والنوع ده من الشهادات بتعتبر مثالية للأشخاص اللي عندهم فلوس مش عايزينها في الوقت القريب خصوصا أن الفايدة من النوع ده من الشهادات بتكون اعلي من الفايدة بتاع الشهادات السنوية، وده بسبب أن البنك بيقدر يستفيد من فلوس المودعين لأول فترة ممكنة وده بيحقق له فايدة أكبر .
الخبراء المصرفيين قالوا أن افضل شراء شهادات الأدخار الثلاثية أو السنوية بيتوقف علي الوضع المالي الشخصي للمواطن وهدفه من شراء شهادة الاستثمار، ولو عايز يسترد فلوسه في اقرب وقت ممكن فشهادات الادخار السنوية هتكون الخيار الأنسب، انما لو عايز يجمد رأس المال لأطول فترة ممكنة ويحصل علي فايدة كبيرة فشهادات الادخار الثلاثية هتكون هيا الحل المناسب .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
