بتفكر إزاي تمول أحلامك وتحقق كل اللي نفسك فيه؟ نفسك تغير حياتك وتبدأ مشروع أو حتى تجدد بيتك؟ البنك التجاري الدولي CIB بيقدملك القروض الشخصية اللي هتحقق لك كل ده. بس السؤال اللي يهمك هو: إزاي تقدر تستفيد من القروض دي؟ إيه الأنواع، الفايدة، والشروط؟ إيه المزايا اللي بتميز القروض دي؟ وهل هي الأنسب ليك؟ وإيه مدتها ونسبة العائد عليها؟ ليه القروض الشخصية من CIB بتعتبر من أكتر الحلول المرنة في السوق المصري؟وفى الفيديو ده هنقولك كل اللى عاوز تعرفوا عن القروض الشخصية من البنك التجاري الدولي مصر.
البنك التجاري الدولي CIB بيوفر مجموعة من القروض الشخصية المصممة علشان تناسب احتياجات كل الناس، سواء كنت موظف، صاحب عمل حر، أو حتى ليك مهنة خاصة. خلينا نبدأ بأهم الأنواع المتاحة
طب إيه أنواع القروض الشخصية في CIB؟
أول نوع القرض الشخصي للموظفين.. لو انت موظف في شركة أو مؤسسة معتمدة هتقدر تستفيد من القرض ده اللي مصمم علشان يوفر ليك تمويل سريع. ممكن تستخدم القرض لأي غرض زي تجديد بيتك، شراء عربية جديدة أو حتى تعليم أولادك
تانى نوع القرض الشخصي لأصحاب الأعمال الحرة.. لو عندك مشروعك الخاص أو شغل خاص بيك، البنك التجاري الدولي عنده الحل المثالي ليك من خلال القرض ده اللي بيوفر لك سيولة مالية فورية لمساعدتك على توسيع نشاطك أو تحسين جودة شغلك
تالت نوع القرض الشخصي للمهنيين.. لو انت دكتور، مهندس، محامي أو بتشتغل في أي مهنة حرة، CIB بيوفر لك قرض مخصص يناسب دخلك ومكانتك ويضمن ليك إنك تحصل على التمويل اللي محتاجه بسهولة
طب مدة سداد القروض دي إيه؟
واحدة من أهم المزايا اللي بيوفرها CIB في القروض الشخصية هي مرونة السداد.. ممكن تختار مدة سداد تبدأ من 6 شهور وتوصل لحد 10 سنين.. وده بيديك الحرية في اختيار الفترة اللي تناسب ميزانيتك الشهرية
أما نسبة الفائدة بتختلف حسب نوع القرض ومدة السداد. . لكن بشكل عام نسب الفائدة في CIB بتبدأ من 14% وبتزيد حسب عوامل زي نوع القرض، الدخل، ومدة السداد.. الفائدة هنا ثابتة أو متغيرة حسب اختيارك، وده بيضمن ليك أفضل مرونة في التمويل الشخصي
طب ايه الأوراق المطلوبة للحصول على القرض؟
علشان تقدر تستفيد من القرض الشخصي من CIB، هتحتاج توفر شوية أوراق أساسية، وهي:
صورة من بطاقة الرقم القومي تكون سارية ,مستند يثبت دخلك زي مفردات مرتب لو كنت موظف، أو كشف حساب بنكي لو عندك عمل حر,إيصال مرافق حديث (كهربا، مية، غاز) باسمك أو باسم حد من أقاربك من الدرجة الأولى ,ممكن كمان يحتاجوا شهادة تأمين أو أوراق إضافية حسب نوع القرض اللي مقدم عليه
وايه مزايا القروض الشخصية من cib
فيه مزايا كتير زي سرعة الموافقة على القرض، في بعض الحالات ممكن يتم الموافقة وصرف القرض في أقل من 48 ساعة ومرونة في الدفع مع إمكانية السداد عبر الإنترنت أو تطبيق البنك على الموبايل علشان تبقى دايماً متحكم في القرض بتاعك
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
