تحدثت الفنانة والمطربة دوللي شاهين عن سبب غيابها عن السينما فترة طويلة رغم تواجدها القوي في مجال الغناء، فضلا عن طريقة تعاملها مع الشائعات وذلك خلال لقاءها مع موقع تحيا مصر على هامش المؤتمر الصحفي لأغنيتها الجديدة أنا الحاجة الحلوة.
دوللي شاهين تكشف سبب ابتعادها عن السينما
وقالت دوللي شاهين في تصريح خاص لموقع تحيا مصر: مبحبش أعمل حاجة لمجرد التواجد لازم أكون بضيف للناس حاجة وبضيف لنفسي بردو حاجة أستفاد منها كممثلة.. وبعدين أنا بدأت حياتي كمطربة فلازم أكون بغني وبعمل ألبومات كل فترة لأن ده تواجدي الحقيقي لكن التمثيل دي حاجة إضافية لم مكنتش تقدم محتوى كويس للجمهور يبقى بلاش أفضل.
وتابعت دوولي شاهين حديثها: احنا بقينا نفتقر السيناريو الحلو والمحتوى الهادف وأنا حاليا بكتب مسلسل مكون من 8 حلقات وبمجرد ما انتهى منه هبدأ أناقشه مع شركات منتجا وإخراج لعرضه على إحدى المنصات الالكترونية.
دوللي شاهين وموقفها من الشائعات
وكشفت دوللي شاهين موقفها من الشائعات، قائلة: لما بسمع عني شائعات مش بخرج أرد ولا ادافع عن نفسي.. أنا مش متهمة عشان أقعد أبرر للناس أفعالي وحتى في حياتي الشخصية أنا مبقعدش أقول معملتش بلبس التهمة وخلاص.
وجاءت أغنية أنا الحاجة الحلوة للفنانة دوللي شاهين تحت إدارة المخرج مؤمن يوسف، و مدير التصوير مصطفى أحمد و من كلمات السيد علي، والحان أحمد يوسف، توزيع طارق حسيب، مستشار إعلامي عصام ميلاد نصرالله، اشراف فني موسيقي احمد عبد العزيز.
كلمات أغنية أنا الحاجة الحلوة دوللي شاهين
وجاءت كلمات أغنية أنا الحاجة الحلوة التي طرحتها دوللي شاهين قبل ساعات قليلة على النحو التالي: مش كنت انا الحاجة الحلوة اللي في عينيك وكنت انا كل حاجة بالنسبة ليك.. طب قلي ليه سيبتها يمكن عشان ملكتها قلت قيمتها خلاص.
وتعد أغنية أنا الحاجة الحلوة للفنانة دوللي شاهين من كلمات أحمد الشاعر وألحان مادو فتحي، وتوزيع أحمد عبد العزيز مستشار إعلامي عصام ميلاد نصرالله، تحت إدراة المخرج مؤمن يوسف، ومن المتوقع أن تحقق الأغنية نجاحات كبيرة بعد طرحها عبر موقع الفيديوهات يوتيوب.
