مصر حاليا بدأت تدرس العروض اللي وصلت لها من القطاع الخاص لطرح وإدارة المطارات.. ياتري الحكومة وصلت لفين في النقطة دي.. وازاي هيتم ادارة المطارات بين الدولة والقطاع الخاص.
من فترات بعيدة والدولة بدأت التعاون مع صندوق النقد الدولي للشراكة مع القطاع الخاص لإدارة وتشغيل القطاعات التابعة للدولة، وفي عدد كبير من الشركات الحكومة بالفعل تخارجت منها في الفترات اللي فاتت، وده بيعد مصدر من مصادر الدخل الدولاري لمصر من الشراكة بين القطاعين العام والخاص في إدارة المشروعات، وده بيكون بهدف إعادة تاهيليها وتنشيطها من جديد علشان تكون مساهم قوي في حصيلة الدخل القومي المصري.
التعاون اللي موجود بين الحكومة وصندوق النقدي الدولي لعمل اصلاحات اقتصادية لمصر والنهوض بالإقتصاد المصري، تطور وشمل المطارات المصرية واللي كانت في الفترات اللي فاتت خط أحمر بسبب ارتباطها بالأمن القومي المصري، بس حاليا الحكومة وصلت لإليه لطرح المطارات المصرية قدام القطاع الخاص للدخول في شراكة بما يعود علي الدولة المصرية بدخول استثمارات جديدة من استغلال المناطق التجارية في المطارات.
طيب ازاي القطاع الخاص هيدخل في شراكة مع الحكومة في تشغيل المطارات ؟.
الدكتور سامح الحفني وزير الطيران المدني قال أن الوزارة هتوقع في نصف شهر فبراير اللي جاي عقد مع مؤسسة التمويل الدولية، للاعلان عن المطارات المصرية اللي هيتم طرحها للإدارة من جانب القطاع الخاص.
وزير الطيران المدني قال كمان ان طرح المطارات قدام القطاع الخاص هيشمل ١١ مطارا، مش منهم مطار القاهرة الدولي، وهيكون الطرح من خلال ٣ أشكال أولهم الطرح بنظام الإدارة، والثانى بنظام التشغيل والثالث بنظام الامتياز.
وزير الطيران قال أن الشراكة الجديدة هتكون الدولة من عمل توسعات كبيرة في مباني المطارات المصرية لاستيعاب الحركة السياحية اللي مصر بتستهدفها من الخارج، وحاليا الدولة خطة خطة لبناء مبنى ركاب رقم ٤ في مطار القاهرة علشان نرفع الطاقة الاستيعابية للمطار لـ ٣٠ مليون مسافر سنويا، وهيتم تنفيذ المبني الجديد في فترة من خلال ٤ إلى ٥ سنين.
الدكتور سامح الحفني قال كمان أن الشراكة مع القطاع الخاص هتمكن الدولة من رفع السعة الاستيعابية لمطار الغردقة من ١٣ إلى ٢٠ مليون راكب وكمان الوزارة هترفع الطاقة الاستيعابية لمطار العلمين إلى ١.٥ مليون راكب، وكمان الوزارة هترفع السعة الاستيعابية لمطار شرم الشيخ لـ ١٠ مليون راكب سنويا، وكمان بيتم العمل علي رفع الطاقة الاستيعابية لمطار برج العرب لـ٦ مليون راكب، ومطار الأقصر هتوصل طاقته الاستيعابية لـ ٦ مليون راكب، ومطار أسوان هتوصل طاقته الاستيعابية لـ٢.٥ مليون راكب، واخيرا مطار سانت كاترين هتوصل طاقته الاستيعابية لـ٨٠٠ ألف راكب، وكل التوسعات دي هدفها تقديم خدمة متميزة للمسافرين في المطارات المصرية، وكمان هتكون مدخل دولاري لمصر، خصوصا أن المطارات بتعد منفذ تجاري كبير لمصر من خلال استغلال المناطق التجارية الموجودة بالمطارات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
