في أزمة بدأت تظهر في أسواق الذهب وهيا جنيهات وسبايك الذهب المغشوشة ياتري اية حكاية الجنيهات والسبايك دي.. وازي لو هشتري ذهب افرق بين الذهب الحقيقي والمغشوش.
في أزمة كبيرة قوي بدأت تظهر في سوق الذهب، وبتهدد الاستثمارات الكبيرة في القطاع ده خصوصا في الوقت اللي بدأت فيه الدولة المصرية تاخذ خطوات أنها تتحول لدولة مصدرة للمشغولات الذهبية للخارج، وده بعد ما الحكومة نجحت أنها تجذب عدد كبير من الشركات العالمية اللي شغالة في تصنيع المشغولات الذهبية علشان تدخل مصر وتتوسع في صناعة الذهب وانتاج المشغولات الذهبية، واللي حاليا ظهر منا مشغولات وأنواع كتيرة من أفخر الموديلات وبقت لها روج في الشارع المصري ومعروفة في أغلب الدول برا.
الأزمة الجديدة اللي بدأت تظهر في سوق الذهب هيا أنتشار انواع كتيرة من الذهب المغشوش واللي مش اصلي وعليه نسبة كبيرة من المعادن زي النحاس، والأزمة دي ظهرت بنسبة كبيرة في السبائك والجنيهات الذهب، وللاسف مش أحد حد يقدر يكتشف الفرق بين الاصلي والمغشوش من السبائك او الجنيهات الذهب الا اذا كانت حد متخصص.
طيب ازاي أنها لو هستثمر فلوسي في الذهب اقدر افرق بين الذهب الاصلي والمضروب؟.
قبل ما تحط فلوسك في الاستثمار في الذهب لازم تكون عارف كويس الفرق بين الذهب الأصلي والمغشوش، والشعبة العامة للذهب والمشغولات الذهبية بالاتحاد العام للغرف التجارية، قالت أنها رصدت محاولات كتير لبيع سبائك غير مدموغة واللي معروفة عندنا في الأسواق باسم السبيكة البلدي، ده بيعتبر غش تجاري وتلاعب بحقوق المستهلكين.
الشعبة قالت ان اي حد متخصص في سوق الذهب هيكون عارف الفرق بين الذهب الأصلي والمغشوش، أما المواطنين العاديين، فممكن يقدروا يستخدموا مغناطيس ويقربه من سبيكة أو الجنية الذهب اللي عايز يشتريه، وفي حالة لو القطعة الذهبية انجذبت للمغاطيس ففي الحالة دي الذهب هيبقي مغشوش، وفي حالة لو محصلش أنجذاب فالذهب بيكون اصلي، خصوصا أن الذهب عنده ميزة أنه كثافته عالية والمغناطيس مش ممكن ياثر عليه.
الشعبة قالت كمان أن ممكن المواطن العادي يعرف يميز الذهب الأصلي عن المغشوش عن طريق خدش الذهب باي حاجة معدنية مدببه، ولو كانت الطبقة اللي تحت اللون الذهبي باللون الأصفر الذهبى فهيكون الذهب أصلي ولو كانت باللون الفضى أو الأسود أو البنى فالذهب هيكون مزيف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
