ناس كتير بطاقتها التموينية وقفت خلال الفترة الأخيرة، وبدأوا في إجراءات تقديم شكوى لوزارة التموين عشان البطاقة ترجع تشتغل تاني ويصرفوا عيش وتموين، عشان كده وزارة التموين زفت بشرى سارة لهم.
في الساعات الأخيرة، أعلن الدكتور شريف فاروق، وزير التموين والتجارة الداخلية، عن إعادة تفعيل البطاقات التموينية المتوقفة للمواطنين المسجلين بنظام ممارسة الكهرباء، وده هيكون اعتبارًا من 1 نوفمبر 2024، وده بيجي للبطاقات اللي اتوقفت خلال شهر أكتوبر الجاري.
الوزير، قال كمان إن القرار ده بيجي في إطار حرص الوزارة على تلبية احتياجات المواطنين الأساسية، وتقديم خدمات بأعلى جودة لتحسين مستوى معيشتهم، وكمان أكد على استمرار إيقاف الدعم عن المتورطين في سرقة التيار الكهربائي، تنفيذًا لتوجيهات رئيس مجلس الوزراء، ولضمان توزيع الدعم بعدالة وحماية موارد الدولة.
عشان كده، طلع الدكتور عمرو مدكور، مستشار وزير التموين والتجارة الداخلية لنظم المعلومات والتحول الرقمي، وقال إن الوزارة عملت رصد لفئات من المواطنين اللي بيستخدموا عدادات ممارسة الكهرباء بطريقة قانونية بدون الحصول على الكهرباء بطرق غير شرعية، وقررت تعيد تفعيل بطاقات التموين لهذه الفئات اعتباراً من 1 نوفمبر القادم.
" مدكور" أكد كمان، إن الوزارة مستمرة في إيقاف الدعم عن المتورطين في سرقة التيار الكهربائي لحين صدور الأحكام القضائية النهائية بحقهم، وإن وزارة التموين بتهتم بشكل كبير بمتابعة شكاوى المواطنين والعمل على حلها فورًا، عشان تضمن عدم تعطل أي خدمة تموينية مستحقة، وتحقق كمان معادلة تحسين جودة الخدمات التموينية وتعزيز ثقة المواطن في الدولة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
