أكيد بتسمع وتشوف أخبارا وتحليلات وبوستات وفيديوهات كتير اليومين دول بتضرب في الدولة وبتشكك تحديدا ف الاقتصاد وبتضخم المشاكل.. ولسه هتسمع وتشوف اكتر.. تعالي هنقولك ايه السر.
قبل 10 سنين فاتوا كانت مصر في مفترق طرق وكانت رايحة اكتر على سكة الندامة لظروف وأسباب كتير كلنا عارفينها لكن المصريين صححوا بوصلة الأحداث ورجعت مصر تاني للطريق الصحيح وبدأت مع تولي الرئيس السيسي المسؤولية عهد جديد وزمن مختلف وجمهورية تانية خالص بتعتمد على التخطيط والتنفيذ والانجاز ومش بعترف بالظروف الصعبة أو العقبات والنتيجة بنية أساسية هي الاحدث في العالم واستثمارات ضخمة وبنسمع عن مليارات الدولارات داخلة وخارجة وصادرات وصناعة وموانئ وتجارة واتفاقيات وتمويل وزراعة ومشروعات ومعدلات نمو وتوقعات وتقارير مالية دولية بتقول إن مصر على اعتباب دخول نادي الكبار في الاقتصاديات العالمية الكبرى بعد سنين قليلة وكمان هتكون الاقوي بين دول المنطقة والاقتصاد السابع عالمياً.
في البداية ممكن تفتكر أن مصر تكون السابع عالميا في الاقتصاد دا حلم مستحيل أو خيال أو فوق طاقة البشر لكن المؤسسات الدولية مش بتقول اي أرقام وخلاص لأنها بتعتمد على عوامل وأرقام وتحليلات دقيقة وبتدرس كل قطاع في العالم قطاعات الاقتصاد رايح على فين وبحسب معقدة المؤسسات العالمية دي بتصدر تقاريرها واللي بتكون معاها تحليلات دقيقة بتشرح نتيجة التقرير وفي نفس الوقت دا المؤسسات المالية الدولية مش بتدرس الحالة المصرية لوحدها عشان محدش يقول انها بتجامل لكن تقييم الاقتصاد المصري كان ضمن اقتصاديات كتير عالمية ومصيرها في 2050 و2075.
ولو مش مصدق ليه الاقتصاد المصري هيوصل للعالمية تعالي هكلمك شوية بالارقام عشان تصدق أن الإرادة والعمل المتواصل والتخطيط العلمي مع حسن استغلال الإمكانيات الموجودة فعلا يوصلوا اي دولة للقمة وفي اي وقت.. ومصر فيها إمكانيات اقتصادية ضخمة وقطاعات تقدر تغير موازين اي اقتصاد زي مثلا السياحة واللي فيه دول عايشة عليها وبتدخلها مليارات الدولارات في السنة ومصر كسبت 15 مليار دولار من السياحة السنة اللي فاتت رغم الأزمات العالمية.
وغير السياحة مصر عندها قناة السويس ومناطق لوجستية عالمية جمبها ومواني وشبكة سكة حديد بتربطها وصناعة تعهيد والقطاع دا يقدر ودول قطاعات اقتصاديه تقدر تحول مصر لهونج كونج أودبي أو زي الدول اللي اقتصادها بيقوم على المواني وصناعة التعهيد والنقل المحوري وقناة السويس ورغم الأزمة اللي في البحر الاحمر قدرت تكون سند قوي للاقتصاد المصري وهترجع اقوى من الأول وبالارقام إيرادات قناة السويس كانت وصلت 9.4 مليار دولار قبل الأزمة وكفاية اقولك ان المنطقة الاقتصادية لقناه السويس جذبت أكتر من 8 مليار دولار في الفترة اللي فاتت ولسه المنطقة كلها على بعضها هتقلب موازين التجارة والملاحة والصناعة في المنطقة كلها في الفترة الجاية.
كل اللي قلناه عن انجازات الدولة المصرية الواعدة كان في قناة السويس والسياحة بس ولسه فيه قطاعات اقتصادية تانية متكلمناش عنها وكلها بتقول إن مصر هتنطلق بسرعة الصاروخ واللي جاي أفضل لكن مش هتسمع دا في منصات الشر وبالعكس هنشوف وهتسمع اكتر اخبار سلبية وهجوم وتشكيك في الاقتصاد المصري لأن الناس مش عاوزة المصريين يفهموا الحقيقة وقوتهم ممكن توصلهم فين فدايما بيحاولو يصدرو اليأس باخبار مزيفة وتحليلات مضروبة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
