الذهب واحد من اهم مجالات الاستثمار حاليا، وفي ناس كتير حاطه كل فلوسها في الذهب، خصوصا أنه من واحد من الاستثمارات الكسبانة والمضمونة.. ياتري الذهب رايح علي فين في 2025.. وهل الذهب هيحقق ارتفاعات كبيرة زي ما حصل في السنين اللي فاتت.
زمان قالوا حكمة أن الذهب زينة وخزينة، ومفيش حد راهن علي الذهب وخسر وطول عمره كسبان، علشان كده الذهب في الوقت الحالي واحد من أهم مجالات الاستثمار في العالم كله مش في مصر بس، خصوصا أن استثمار أمن ومجال المخاطرة فيه قليلة جدا، وسهل في بيعه يعني وقت ما تحتاجه هتلاقيه، وفي اي وقت هتنزل تبيعه بمنتهي السهولة.
شعبة الذهب نصحت الناس اللي عايزة تستثمر فلوسها في الذهب أنهم يطولوا في مدة الاحتفاظ بالذهب علي قد ما يقدروا، خصوصا ان مكاسب الذهب بتظهر علي المدي البعيد مش المدي القريب.
طيب الذهب رايح علي فين في 2025؟.
شعبة الذهب قالت أن مستقبل الذهب هيكون بشكل افضل في 2025 عن السنين اللي فاتت، خصوصا مع تزايد التوترات اللي موجودة في العالم كله، واللي طبعا لها تاثيرات مباشرة علي عالم الطاقة بشكل عام، وده بيعمل زيادة الطلب على الأصول الآمنة مثل الذهب وبالتالي كل التوقعات بتأكد أن الذهب هيشهد إقبال كبير علي الشراء خلال السنة دي .
الشعبة قالت كمان أن أسعار الذهب هترتفع في عام 2025، لكن معدل الزيادة هتعتمد هتكون مرتبطة بالتطورات العالمية ومدي زيادة التوترات الجيوسياسية، واكدوا أن أسعار الذهب هتوصل لـ 3 آلاف دولار للأونصة.
الشعبة كملت كلامها وقالت أن الذهب هيفضل هو الخيار الافضل للاستثمار طول الوقت خصوصا في ظل فترات تصاعد التضخم وعدم الاستقرار الاقتصادي، والتوترات الجيوسياسية والعسكرية، والذهب بيعد استثمارا طويل الأجل لفترا ت مش اقل من 3 الي 5 سنين.
الشعبة نصحت المواطنين بتنويع المحافظ الاستثمارية وعدم التركيز على خيار استثماري واحد، خصوصا أن الذهب بيمثل بديل مناسب للأوعية الادخارية وأدوات الدين، والأسهم والسندات احيانا بتتعرض لانخفاض قيمتها السوقية بسبب الظروف الاقتصادية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
