قال الإعلامي عمرو أديب، إن مصر مرت بأزمة اقتصادية طاحنة خلال السنوات الثلاث الماضية.
وعلق الإعلامي عمرو أديب على حديث الرئيس عبدالفتاح السيسي في الأكاديمية العسكرية المصرية، مضيفا " الناس مرت في أزمة اقتصادية السنتين تلاتة كانت طاحنة بجد، وشوفنا حاجات لا يمكن أن تنكرها"
وتابع "أديب" نعم، الدولة حدث تطور في بنيها الأساسية، لكن المواطن العادي، لا يفهم هذه العلاقات، وهذا ليس تقليلا من المواطن، في فرنسا بأحداث معينة المواطنين لم يفهموا هذا الأمر".
وقال،" المواطن دايما حتى لو فيه إنجازات بيبص للفلوس اللي في إيده وبيصرفها إزاي وبيجيب بيها إيه؟ هي من 10 سنين كانت بتجيب إيه؟ ودلوقتي بتجيب إيه؟ هي دي الحقيقة.. أنا كمواطن ببص الفلوس دي بتجيب ايه، يعني من 10 سنين كيلو اللحمة كان بكام، وأنا دخلي زاد أد إيه، نحن نتحدث عن حاجات زادت 70% ويمكن أكثر".
وتابع: "يجب في الفترة القادمة أن يشعر المواطن إن الفلوس اللي في إيديه تقدر تعمل له أكتر، أنا بقول الصراحة والأرزاق على الله، مهما قلت له، هيقول أنا عايز أعرف أنا في إيديه إيه؟ وهقدر أعيش إزاي؟ وكرتونة البيض بكام وكيلو اللحمة بكام؟".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
