أكد الإعلامي مصطفى بكري أن كل وزير في الدولة لابد وأن يؤدي عمله على أكمل وجه، مشيرا إلى أن الشعب المصري لن يتحمل القرارات الخاطئة مجددا.
وقال بكري خلال برنامج "حقائق وأسرار" المذاع على قناة "صدى البلد": "نحن في حاجة حقيقة أن كل وزير يشوف شغله كويس أوي وكل وزير يحاول يتواصل مع الناس وكل واحد يتقي الله في شغله ويتحمس لأداء عملة وينزل للناس ويفتح مكتبه ويسمع المشاكل".
وأضاف: "الرئيس تعليماته واضحة ومحددة ولما آجي أضرب مثال مثلا وزير زي كامل الوزير لما بيشتغل وينزل ولما الكهرباء يعمل والزراعة يعمل والناس دي لما بتشتغل وتتواصل مع الناس دا بيدي حالة من الاطمئنان للشعب أن الوزير موجود معانا وأن الوزير بيدرس قراراته".
وتابع: "أتمنى بالفعل أن أي قرار يطلع يؤثر على حياة الناس وأوضاع الناس لابد أن يكون مدروسا كفاية مسألة التجربة وأن البعض يجرب فيها ياما قوانين جات واتلغت وقرارات جات واتلغت، والرئيس أكد على ده أكتر من مرة كفاية، والوزير اللي مش هيعرف يدير وزارته يروح بيتهم".
وواصل: "الوزير اللي مش هياخد القرار السليم المدروس ميبقاش موجود لأن الشعب المصري مبقاش مستعد يتحمل أخطاء مرة أخرى كفاية أنه متحمل أوضاع اقتصادية صعبة والناس صامدة وصابرة ثقة في مؤسسات الدولة والرئيس وإحساسا بالمخاطر اللي بتهدد بلدنا بلاش نضغط على الناس وخلونا نتشاور مع الناس ونعمل حوار مجتمعي حول كل القضايا المعنية".
