اتعودنا من الرئيس أنها دايما عينه علي المواطن والفترة اللي جاية هتكون فيها اخبار حلوة لكل الناس، واخبار هتفرح اغلب الشعب المصري كله...ياتري اية هيا الاخبار دي.. واية الاسباب اللي هتخلي الناس تفرح بيها.
مصر زيها زي اي دولة في العالم عندها مشاكل اقتصادية كتيرة بسبب الأحداث الجيوسياسية اللي بتحصل في العالم وللاسف مصر في موقف لا تحسد عليه خصوصا ان اكبر دولتين مصدرتين للسياحة في مصر واللي هما روسيا وأوكرانيا واللي هما رقم واحد بالنسبة للسائحين اللي بيجو مصر لقضاء الاجازات والتنزة في مصر بينهم حروب بقالها فترة طويلة وطبعا لها تاثير مباشر عل الحركة الاقتصادية والخروج التحرك للمواطنين هناك، ده غير الأوضاع الموجودة حاليا في الشرق الاوسط ومصر حاليا محاطة بكمية صراعات اثرت بشكل حاد علي الحركة في المنطقة كلها.
من بداية التغيرات الجوسياسية واللي لسه مستمرة في منطقة الشرق الأوسط الاقتصاد المصري تعرض لصدمات كبيرة جدا بسبب الانخفاض الطبيعي في حركة السياحة لمصر وعلي الرغم من ان مصر حققت رقم قياسي جديد السنة دي بالوصول الي 15.3 مليون سائح الا أن مصر كانت مستهدفة رقم اعلي من كده، ولولا الأحداث اللي لسه مستمرة في منطقة الشرق الاوسط كنا حققنا رقم خيالي في عدد السائحين الوافدين لمصر.
واحد من القطاعات اللي تاثرت بشكل كبير جدا بسبب التوترات اللي موجودة في الشرق الاوسط هيا ايرادات قناة السويس واللي كانت بتعد مصدر هام من مصادر الدخل الدولاري لمصر من الخارج، واللي للاسف انخفضت ايرادات باكثر من 70% عن الارقام اللي كانت مصر بتحققها قبل كده بسبب الهجمات اللي بتقوم بيها جماعة الحوثيين في اليمن علي السفن في البحر الأحمر، وده اللي خلي نسبة كبيرة جدا من االسفن التجارية تغير خط سيرها بدل المرور في مياة البحر الاحمر والعبور من قناة السويس متجهة الي قارة أوروبا، وحاليا بيسلكوا طرق تانية بتستهلك وقت وجهد أكبر ده غير احتمالية تعرض السفن التجارية لعمليات قرصنة ولكن بيضطروا للعبور من الطرق البديلة بسبب الضربات المستمرة علي طول خط الملاحة في البحر الأحمر.
طيب اية الخبر الحلو اللي الحكومة بتجهزة للمواطنين في بداية 2025؟.
الدكتور مصطفى مدبولي، رئيس مجلس الوزراء قال أن الرئيس عبد الفتاح السيسي رئيس الجمهورية وجه الحكومة لإقرار حزمة اجتماعية جديدة لزيادة المرتبات والمعاشات خلال العام الحالي 2025، بهدف رفع الضغوط والأعباء عن المواطنين في ظل الأوضاع الاقتصادية الحالية.
مدبولي قال أن الحكومة بتقدر تمامًا الضغوط الاقتصادية اللي بيتعرض لها المواطن المصري في الوقت الراهن، وأكد أن الرئيس السيسي ًأصدر توجيه عام برفع كل الضغوط قدر المستطاع، وأن الحكومة بتدرس حاليًا الحزمة الجديدة بالتعاون مع وزير المالية، وهيتم الإعلان عن جميع التفاصيل المتعلقة بها بمجرد الانتهاء من دراستها واعدادها .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
