بتفكر تكمل نص دينك وتتجوز بس ممعاكش فلوس تشطيب أو تجدد بيتك او مش معاك فلوس تتجوز ومحتاج دفعة مالية كبيرة.. متقلقش هنقولك على بنوك هتديك تشطب وتتجوز كمان.
بنوك كتيرة بتقدم قروض التشطيب والتجديد وكمان قروض زواج للمواطنين ومنها البنك العربى الافريقى الدولى واللي ليقدم قرض تشطيب وتجديد المنزل بكل سهولة وبأقل فوائد وأطول مدة سداد وأعلى مبلغ تسهيل.
وقرض التشطيب من البنك العربى الافريقى الدولي أو تجديد المنزل هو قرض شخصي بيستهدف ملاك الوحدات في اماكن محددة لتشطيب او تجديد المنزل بغض النظر عن دفع تمن الوحدة بالكامل او بالتقسيط ويقدر العميل كمان يطلب بطاقة ائتمانية بالإضافة للتمويل.
وبخصوص تفاصيل قرض تشطيب وتجديد المنزل من البنك العربى الافريقى الدولى فهي الحد الأدنى للتمويل 50 الف جنيه مصرى و الحد الأقصى للتمويل 2,000,000 جنيه مصرى وتترواح مدة القرض بين 12 شهر الى 84 شهر.
وبخصوص قرض الزواج فبنك ناصر، بيقدم قروض مالية بدون فوايد أو مصاريف إدارية، خصيصًا للأشخاص المقبلين على الزواج، عشان يساعدهم على تجهيز الشقة والعفش والذي منه.
طب إيه هي أسرع وسيلة للحصول على قرض زواج بدون فوايد من بنك ناصر الاجتماعي 2025؟
بص يا سيدي، عكس القروض التانية اللي بتفرض فوايد على قروض الجواز، فبنك ناصر الاجتماعي بيديك فرصة الحصول على القرض ده بدون فوايد، عشان يسهل على المستفيدين تسديده في فترة زمنية قصيرة، وكمان يخفف عنهم الأعباء المالية المرتبطة بالمرحلة دي.
نيجي لشروط الحصول على قرض الزواج من بنك ناصر الاجتماعي، واللي أولها تقديم أصل من وثيقة عقد القران بالنسبة للمسلمين، وتقديم محضر الخطبة للمسيحين،، عشان يقدروا ياخدوا القرض ويشتروا اللي ناقصهم.
كمان، لازم ماتقلش مدة عقد القران عن 7 سنين عند تقديم طلب الحصول على قرض الزواج.
ومن هنا، بنك ناصر الاجتماعي، بيمنح للمقبلين على الزواج مبلغ مالي بيكون الحد الأقصى له 10 آلاف جنيه، بدون فوايد وبدون مصاريف إدارية، وبيتم سداد مبلغ قرض الزواج على أقساط شهرية بتصل مدتها ب 3 سنين، وفي حالة وفاة المقترض قبل سداد القرض بيتم إعدام القرض على الفور.
وهنقولك أسرع إجراءات للحصول على قرض الجواز من بنك ناصر، فلازم الشخص اللي عايز القرض، يتوجه لأقرب فرع من فروع البنك ويقدم طلب الحصول على القرض.
بعد كده، لازم يتم استيفاء الاستمارة الخاصة بالحصول على قرض الجواز من فرع البنك، وتملى البيانات الموجودة فيها، بعد كده ترفق صورة بطاقة الرقم القومي الخاصة بمقدم طلب القرض، وتطبع الرقم التأميني الخاص بالراغب في الحصول على القرض وتقدمه للبنك، وكمان بيان بمفردات المرتب الخاصة بمقدم طلب، وبس كده يا سيدي هتاخد قرضك في أسرع وقت .
كمان لو حضرتك عايز تأسس شقتك وتشطبها، فممكن تاخد قرض تأثيث المنزل المقدم من بنك ناصر الاجتماعي برضو.
ومتاح الحصول على قرض تأسيس المنزل بدون فوايد، للناس اللي عندهم أوعية ادخارية، والموظفين في القطاع العام الحكومي، وأصحاب وورثة المعاش.
ومن ضمن الشروط كمان، إن لازم يتم سداد قيمة القرض في مدة من سنة لحد 5 سنين، في حالة إم كان العائد 17%، وممكن تسدد في فترة بين 5 إلى 10 سنوات لو العائد بيوصل ل 19%.
فلو أنت محتاج القرض ده، لازم تروح أقرب فرع لبنك ناصر، وتملا طلب القرض و البيانات المطلوبة، وترفق شوية مستندات زي برنت التأمينات موضح فيه الرقم التأميني، صورة من بطاقة الرقم القومي الخاصة بالمواطن، إيصال مرافق سواء كان كهرباء أو غاز أو مياه يكون حديث، بيان بمفردات المرتب، صورة من وثيقة زواج أو محضر الخطبة للمسيحين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
