شوبير يدافع عن إمام عاشور بعد احتفاله بـ «البالونة البيضا»
فتح الإعلامي أحمد شوبير النار على منتقدي إمام عاشور، لاعب الأهلي، بعد احتفاله المثير أمام سموحة، خلال مباراة الدوري.
شوبير يدافع عن إمام عاشور
واحتفل إمام عاشور بـ «البلونة البيضاء»، عقب تسجيله ثاني أهداف الأهلي بمرمى سموحة، ما أثار جدلًا كبيرًا عبر وسائل التواصل الاجتماعي، خلال اللقاء الذي انتهى بفوز الأحمر (2-0).
وقال شوبير عبر قناة «الأهلي»: «اللي أنا شوفته لا عيب ولا حرام دي بلونة كنا زمان بنقول نفيخة. ولا بيتجاوز لحد ولا قلع لحد حاجة».
وأضاف: «هو مسجل في سموحة وإفريقيا والكونتنينتال وأهداف حاسمة. اللي مش هيقول عليه الأفضل في مصر على الأقل ظالم، حاطط بلونة في الشراب ما يحطها».
وأكمل: «إيه نوع الخروج عن النص اللي عمله؟ إيه الغلط؟، وبعدين ركز في الملعب إيه؟ هو أحسن واحد وتم اختياره أفضل لاعب في المباراة، إيه المطلوب؟ ملهاش علاقة بيضاء ولا حمراء».
