ناس كتير بتسال عن مصير شهادات الـ27% واللي بنكي الأهلي وبنك مصر بدأ في ردها للمواطنين وده معياد استحقاهم السنوي.. ياتري اية اللي هيحصل في الشهادات دي.. وهل البنوك هتعلن عن شهادات جديدة بفايدة أعلي.
بنوك الأهلي وبنك مصر بدوأ في رد شهادات الـ27% علي الفايدة السنوية و 23.5% علي الفايدة الشهرية، ودي كانت اعلي شهادات ظهرت في السوق في الفترة اللي فاتت، وكان عليها اقبال كبير جدا من المواطنين خصوصا أن النوع ده من الشهادات الإدخارية بيكون العميل فيها عارف هيكسب أد اية وهيحط فلوس أد اية ولما ياخذهم هياخذ اد اية .
طيب اية اللي هيحصل في الشهادات دي الفترة اللي جاية؟.
محمد الأتربي الرئيس التنفيذي للبنك الأهلي قال أن شهادات الادخار لمدة عام للعائد السنوي 27% والعائد الشهري 23.5%، حققت حصيلة وصلت لـ 888 مليار جنيه، وأنه اعتبارا من اليوم الأول لمعياد استحقاقها بعد ما مرت سنة كاملة، تم تجديدها بالكامل في البنك الأهلي.
الرئيس التنفيذي للبنك الاهلي قال أن البنك مستمر في إصدار الشهادات مرتفعة العائد للعملاء سواء من خلال تجديد الشهادات الي جه معياد استحقاقها واللي هيمتد لمدة هتتراوح من 3 إلي 4 أشهر علي الاقل، أو من خلال إصدار شهادات جديدة.
الأتربي قال كمان، أن البنك أبقي على أسعار الفايدة علي الشهادات اللي مدته سنة زي ما هيا بدون تغيير، وأن البنك مستمر في تقديم فايدة 23% هتصرف شهريًا، و23.5% فايدة علي الشهادات تصرف كل 3 أشهر، أو 27% في نهاية المدة بعد مرور عام علي الشهادة، خصوصا أن سعر العايد يعتبر رقم مرتفع جدا للعملاء، وده اللي خلي ناس كتيرة من اللي لهم شهادات ادخار عايزين يجددوا الشهادات، خصوصا في الفترات اللي فاتت كان معدلات التضخم بتتعدي 30% ووصلت إلى 35%، وحاليا معدل التضخم بيتراوح بين 25 و26%، ورغم كده البنك قرر تثبيت اسعار الفايدة زي ما هيا بدون إي تغيير، وده سعر وعائد مميز لأي عميل عايز يربط الشهادة لمدة سنة.
الأتري اتكلم كمان عن إمكانية إصدار أوعية إدخارية جديدة أو شهادات بعائد أعلى في الفترة اللي جاية وقال أنه مش مستبعد حاجة وكل حاجة متوقعة وهيتم الإعلان عنها في الأيام اللي جاية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
