خرج الفنان محمد العمروسي ليعلق على الانتقادات والهجوم المنتشر على حفل زفافه على المطربة مي فاروق، والذي أقيم في مساء يوم الخميس المنقضي بحضور عدد كبير من نجوم الفن والمطربين.
أول تعليق من محمد العمروسي بعد حفل زفافه
وكتبت محمد العمروسي عبر حسابه الرسمي بموقع التواصل الاجتماعي فيسبوم في منشور رصده موقع تحيا مصر: فعلا الفاضى يعمل قاضى مجتمع بقى مريض لدرجة تخوف بس ده مش جديد عشان كده هنقول الذئاب تعوي والقافلة تسير مع احترامي للذئاب والله.
وسبق وعلقت مي فاروق على تلك الانتقادات التي واجهتها أيضا، قائلة في مداخلة هاتفية مع الإعلامي عمرو أديب في برنامج الحكاية والمذاع على قناة mbc مصر: انا معملتش حاجة أنا اتجوزت بس واليوم كان حلو وكل اللي كان جايين جايين بفرحة وولادي كانوا فرحانين كدة ومعرفش الناس مالهم ومعرفش عندي أعداء ولا لا وكل الناس اللي في حياتي علاقتي بيها طيبة.
مي فاروق ترد على انتقادات حفل زفافها
وتابعت مي فاروق: أنا مبعلمش حاجة عشان أرضي الناس وكل اللي يهمني أرضي ربنا وأكون أم كويسة لأولادي، أنا قعدت 6 سنين أم عايشة لأولادي فقط ولوحدي اي المشكلة أما اتجوز قدام الناس كلها وطول الوقت بحاول أكون في حالي بس الناس مش كدة، محدش يعرف عن حياتي الشخصية حاجة وأولادي نمرة واحد في حياتي وكل حاجة تيجي بعدهم وأهم حاجة عندي يكونوا مرضيين ومبسوطين وبحاول طول الوقت أكون ست قد مسؤوليتهم.
انتقادات حفل زفاف مي فاروق ومحمد العمروسي
وكان قد طال حفل زفاف مي فاروق ومحمد العمروسي العديد من الانتقادات لعل أبرزها هي ظهور مي فاروق مع ابنائها في حفل الزفاف حيث بدأ العديد من رواد مواقع التواصل الاجتماعي في لومها مشيرين إلى أن أبناءها غير سعداء بهذا الزواج ومتأثرين جدا ويرسمون ضحكة غير حقيقية، وهو ما جعل مي فاروق تغضب ولم تستكمل فرحتها بالدرجة التي تستحقها.
وخرجت ريهام حجاج أيضا للدفاع عنها، قائلة: ليه بنكسر فرحة ست محترمة و جميلة يوم فرحها و نحرم حلال ربنا و بنتدخل في حياتهم ونتطاول عليهم.. ليه بجد؟ ليه باقينا كده؟.. ده إذاء الناس من الكبائر اللي ناسي، وافعل يا ابن آدم ما شئت فكما تدين تدان.
