لو بتدور على وظيفة حكومية بمرتب كويس.. وظائف متاحة في السكك الحديدية - غاية التعليمية

غاية التعليمية يكتُب.. يا ترى إيه قصة الوظايف الجديدة اللي طلباها هيئة السكة الحديد، هل هتكون لجميع التخصصات ولا خاصة بالعمال والفنيين، وإيه هي شروطها وامته بالظبط يتم التقديم وإزاي. 
 

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

في الساعات الأخيرة، الجهاز المركزي للتنظيم والإدارة، أعلن عن مسابقة لتعيين 1098 موظف في الهيئة القومية لسكك حديد مصر، وده عشان الهيئة تقدر تكمل دورها اللي بتقوم به، خاصة وأنها بتقل حوالي 1.2 مليون راكب كل يوم.

وطبعا زي ما بيشتغل في السكة الحديد، المهندس وفني المزلقان وسائق القطار، فكمان بيشتغل محاسبين ومحامين ومستشارين وغيرهم من المسميات الوظيفية، لأنها مصلحة حكومية زي أي مصلحة تانية لكنها مرتبطة أكتر بنقل الركاب والمسافرين بالقطارات من الشمال للجنوب ومن الشرق للغرب.

طب يا ترى في مسابقة الوظايف الجديدة، إيه هي التخصصات المطلوبة؟

بص يا سيدي، مطلوب 105 مهندس تالت، عشان يتسكنوا عبر وظايف مهندس إشارات، مهندس ميكانيكا، مهندس كهرباء، مهندس سكة، مهندس حركة.

كمان مطلوب فنيين بعدد 114 فني، وهم خريجي الدبلومات الفنية خاصة دبلوم الصنايع، عشان يتسكنوا في وظايف فني صيانة وتجديدات سكة، فني مزلقان، فني مناورة.

مطلوب كمان 92 شخص عشان يتسكنوا على وظيفة صراف تذاكر، ومشرف قطار، وحوالي 429 في وظائف تحكم مركزي زي أخصائي تحكم مركزي CTC، ومراقب حركة مركزي، ومنظم حركة قطارات.

ضيف على كل ده، إن مطلوب 235 عشان يتسكنوا على وظيفة مساعد قائد قطار، وكمان 123  في وظيفة مساعد قائد قطار رابع.

ولو حضرتك شايف إنك مناسب للوظيفة دي، فلازم تستعد كويس عشان تقدم في المسابقة على موقع بوابة الوظائف الحكومية، خاصة وإن التقديم هيبدأ من يوم 19 يناير الحالي وهينتهي يوم 2 فبراير الجاي، فاستعد كويس.

ولو وظايف السكة الحديد مش منسباك، فمكان الهيئة القومية للبريد طرحت وظايف جديدة، وطلبت شغل 153 وظيفة متنوعة، منها 60 للمحامين، و57 مهندس ثالث، وكمان 143 وظيفة إخصائي بريد ثالث وخدمة عملاء.

كمان، التقديم على مسابقة البريد متاح دلوقتي على بوابة الوظائف الحكومية، فلو شايف نفسك مناسب ماتفوتش الفرصة.