تعرف إن فيه حاجات مكسبها أكتر من الدهب والعقارات دلوقتي ومحدش واخد باله منها.. أيوا زي ما حضرتك سمعت.. تعالو نشوف المفاجأة والاستثمار السحري لفلوسك تابعونا للأخر.
ناس كتير فاكرة إن الدهب هو الاستثمار الأفضل في مصر دلوقتي لكن فيه أنواع تانية من الاستثمار أهم ومحدش واخد باله منها زي الاستثمار في الفضة واللي الوكالات المالية العالمية وضعته كأفضل أنواع الاستثمار في 2025.
عشان تفهم الحكاية .. في سنة 2024، تجاوزت أسعار الفضة حاجز الـ 30 دولار للأوقية، ودا بسبب ارتفاع الطلب الصناعي والتوترات الجيوسياسية وزيادة الإقبال على المعدن الأبيض كملاذ آمن وكمان عزز ارتفاع الفضة ندرة المعروض منها ودخولها كعامل أساسي في قطاعات الطاقة النظيفة وعديد من الصناعات واللي ساهم في ارتفاع أسعارها.
والفضة بتعتبر أداة من أدوات التحوط ضد تراجع قيمة العملة ومن المتوقع أن تؤدي التوترات الجيوسياسية، وارتفاع الطلب الصناعي إلى زيادة الضغوط التضخمية وبالتالي ارتفاع الطلب على الفضة.
في المقابل يتوقع المحللين أن يصل الطلب الصناعي على الفضة إلى 1.21 مليار أوقية، وهو تاني أعلى مستوى تاريخي توصله ومن المتوقع كمان مساهمة التضخم في قطاعات زي الطاقة المتجددة والإلكترونيات في استمرار عجز المعروض.
ومن أسباب ارتفاع اسعار الفضة ارتفاع تكلفة الطاقة وزيادة الطلب على الفضة المستخدمة في الألواح الشمسية والمركبات الكهربائية، بما يتماشى مع الأهداف العالمية للطاقة النظيفة وعلى فكرة قطاع الطاقة الشمسية هيستهلك حسب التوقعات 98% من الاحتياطات العالمية للفضة بحلول عام 2050.
و تاريخيا تعزز أسعار الفائدة المنخفضة جاذبية الأصول غير المدرة للعائد زي الفضة ومن المتوقع أن تدعم مواقف البنوك المركزية التيسيرية، لمعالجة التباطؤ الاقتصادي، الزخم التصاعدي للفضة في 2025.
كمان من مميزات الفضة أنها هتفضل عنصر حيوي في التحول نحو الطاقة النظيفة بفضل خاصية التوصيل الفائقة وكمان بتعتبر الفضة مكون أساسي في الألواح الشمسية، والمركبات الكهربائية، والمفاعلات النووية وعلى سبيل المثال الولايات المتحدة ركبت في 2024 حوالي 105 مليون لوحة شمسية احتاجت 67 مليون أوقية من الفضة ودا معناه إن التوسع المتوقع في القطاع دا بحلول سنة 2030 هيزيد الطلب بشكل كبير على المعدن الأصفر ومع ندرته اسعاره هتزيد بشكل كبير جدا في الشهور والسنين الجاية.
مش بس كده دا كمان بتشير التوقعات إلى أن سوق الطاقة الشمسية الكهروضوئية قد يصل إلى 383.78 مليار دولار بحلول عام 2032، ودا هيعزز أهمية الفضة في قطاع الطاقة المتجددة بالإضافة إلى إن كل مفاعل نووي بيحتاج حوالي 56,000 أوقية من الفضة، مع قيام الحكومات حول العالم بتشييد محطات جديدة من بولندا إلى اليابان، مما يضيف طبقة أخرى للنمو الصناعي للفضة.
يعني باختصار الفضة دلوقتي أفضل استثمار من الدهب والعقار وتقدر تشتري وتخزن وأنت مطمن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
