ليه بنقولك حط فلوسك في البنوك ومتشيلش سيولة في جييك أو بيتك وايه هي خطوات فتح الحسابات وايه أنواعها وايه المميزات اللي بتوفرها البنوك دلوقتي لاصحاب الحسابات. خليكم معانا للآخر وهتعرفوا التفاصيل في التقرير ده
مشكلة انك تشيل فلوس زياده معاك اليومين دول انها هتشجعك انك تصرفها وبالتالي هتفقد جزء كبير من مدخراتك ولأن الوقت دا كلنا محتاجين ندخر عشان الظروف الاقتصادية والمعيشية ونرشد الانفاق وعشان كده البنوك العاملة في السوق المحلية المصرية بتيح العديد من أنواع مختلفة من الحسابات أمام العملاء اللي بتناسب احتياجاتهم المختلفة زي حساب الشباب والمرأة وذوي الهمم والعادي والجارِي وغيرها من الحسابات التانية واللي بتضمن ليك الاحتفاظ بقيمة فلوسك وفي نفس الوقت تحصل على أرباح من فلوسك ودا غير عامل الأمان لأن فلوسك في البنوك مضمونة بختم البنك المركزي المصري يعني مفيش خوف عليها.
طيب ايه هي خطوات فتح حساب توفير في البنوك العاملة في السوق المحلية؟
شوف حضرتك هي خطوات بسيطة جدا والبنوك عملت تيسيرات كتير عشان تجذب أصحاب رؤوس الأموال عشان يدخروا فلوسهم في البنوك وفي نفس الوقت البنوك تشغلها في مشروعات استثمارية ودا بيحقق اكتر من فايدة أولها دعم وتنشيط الاقتصاد المصري وتاني حاجة البنوك هتكسب وتقوي مركزها المالي وتالت حاجة هتوفر للعميل فوايد فلوسه اللي ودعها في البنوك.
ولو بتفكر تفتح حساب في أي بنك أول حاجة هتعملها هي التوجه إلى أقرب فرع للعميل وطلب مقابلة موظف خدمة العملاء وتاني حاجة تقديم العميل صورة من البطاقة الشخصية والتوقيع على طلب فتح حساب.
والخطوة التالية تحديد نوع الحساب الذي يريده العميل وتقديم إثبات دخل في حال عدم تدوين الوظيفة على البطاقة
وفي حال عدم وجود دخل للعميل يعتمد البنك الدخل لأقارب العميل مثل الزوج أو أحد الوالدين وهنا البنك هيحصل على بعض بيانات العميل منها رقم الهاتف المحمول لربط الحساب عليه، البريد الإلكتروني- أن وجد- ومحل سكنه.
بعد كده لعميل هيوقع على إصدار بطاقة خصم مباشر مرتبطة بحساب العميل للسحب والإيداع من ماكينات الصراف الآلي أو الشراء من ماكينات "pos" وبعدها البنك بيفعل الحساب للعميل بمجرد الانتهاء من الإجراءات واعتمادها من الإدارة المختصة خلال 24 ساعة.
وفيه نصيحة ليك وانت بتختار نوع الحساب لازم تعرف الرسوم المقررة اللي هيخصمها البنك كل 3 أشهر مقابل تشغيل الحساب، وكمان الغرامة المقررة في حال قل رصيد الحساب عن الحد الأدنى.
ومن ضمن المزايا اللي هتخليك تختار حساب معين عن غيره من الحسابات هي نسبة العائد المقررة أو الفايدة على الحساب ودوريات صرف العائد وعلى فكرة كل الحسابات بتيح للعميل التمتع بخدمات البنك المختلفة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
