كتير من المصريين بيدوروا على عربية، تغنيهم عن زحمة المواصلات وتوفر وقتهم وجهدهم، وفي نفس الوقت يكون سعرها حنين وعلى قد الإيد، عشان كده كتير من الناس بيلجأ لسوق المستعمل لأن أسعار الزيرو نار، وبسبب الظروف الاقتصادية اللي بيمر بيها العالم كله خاصة منطقة الشرق الأوسط، فكل كل يوم أسعار العربيات في الطالع.
عشان كده، هنقولك في الفيديو ده أسعار السيارات المستعملة في مصر، واللي أقل من ربع مليون جنيه، فلو عايز تعرف هي إيه وإيه أفضل اختيار، شوف التقرير ده للآخر.
في الأيام الأخيرة، السيارات المستعملة في الأسواق المصرية، سجلت تباين في الأسعار وده كان في كل المحافظات ولعدد كبير من الأنواع والماركات، وده لأن الطلب على المستعمل كتر، لأن العربيات المستعملة بتكون خيار بديل ورخيص في السعر للمستهلكين، عشان كده بتتنوع من حيث موديلاتها وأنواعها، وكل ده بيديك مرونة أكبر للاختيار.
أما بالنسبة لأسعار الماركات الموجودة في السوق دلوقتي، فمثلا العربية "هيونداي اتوس موديل 2005" مستعملة، واللي فيها عداد 114 ألف كيلومتر، لون أبيض، وناقل حركة مانيوال، وفيها تكيف وزجاج كهربائي، فسعرهل 235 ألف جنيه.
أما العربية سيتروين كسارا موديل 2001 مستعملة، عداد 200 ألف كيلومتر، لون أسود ، ناقل حركة مانيوال، وفيها تكيف وزجاج كهربائي، فبتيجي بسعر 215 ألف جنيه.
تيجي للعربية دايو نوبيرا 1 موديل 1997 مستعملة، عداد 284 ألف كيلومتر، لون أخضر غامق، ناقل حركة مانيوال، وفيها تكيف وزجاج كهربائي ومرايات كهربائية، فسعرها 220 ألف جنيه.
ضيف عندك، عربية شيفرولية سبارك موديل 2010 مستعملة، عداد 150 ألف كيلومتر، لون أزرق، ناقل حركة مانيوال، وكمان فيها تكيف وزجاج كهربائي، وقفل مركزي للأبواب، فموجودة في السوق بسعر 240 ألف جنيه.
وكمان، سيارة اسبيرانزا A620 موديل 2007 مستعملة، عداد 161 ألف كيلومتر، لون أسود، ناقل حركة أتوماتيك، وتكييف وزجاج كهربائي، فهي كمان بتيجي بسعر 225 ألف جنيه.
وقبل ما تشتري المستعمل، هنقولك شوية نصايح عشان تضمن عملية شراء سليمة وفلوسك ماتضعش، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.
وياريت تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت، ومايتنصبش عليك.
فخلي بالك كويس، عشان تشتري عربية مضمونة وتضمن حقك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
