أعرب محمد الشناوي حارس مرمى وقائد النادي الأهلي، عن سعادته الكبيرة، بدعم جماهير الأهلي في قطر، والمساندة الكبيرة، قبل لقاء باتشوكا المكسيكي في كأس التحدي، ويستعرض موقع تحيا مصر التفاصيل.
رسائل محمد الشناوي لجماهير الأهلي
بدأ محمد الشناوي حديثه: “عاوز أقول حاجة لجمهور الأهلي هنا في قطر، الاستقبال كان أكثر من رائع، وجمهور الأهلي موجود في أي مكان في العالم”.
وتابع خلال المؤتمر الصحفي الخاص بمباراة باتشوكا المكسيكي: “أنا قابلت ناس جايين من أمريكا علشان يحضروا المباراة، واللاعيبة مقدرين ده كويس جدًا، وإن شاء نقدر نسعدهم”.
وواصل: “الجمهور دايمًا بيساندنا في الملعب وهما رقم 1 وقوتنا، وأنا بحيي كل الناس الموجودين واللي جايين يحضروا الماتش واللي بيتفرجوا علينا في مصر وكل مكان في العالم، إن شاء الله نكون على قد المسؤولية ونصعد للنهائي ضد ريال مدريد”.
تصريحات محمد الشناوي
وأشار الشناوي: “استخدام المواجهة الماضية بين الأهلي وباتشوكا للتحفيز ورد الثأر أمر غير صحيح، المباراة بقالها 16 سنة، واحنا بننسى الماضي وبنفكر في بكرة دايمًا”.
وأكمل: “إحنا عندنا مواجهة بكرة مهمة جدًا وهنواجه خصم قوي، الحاجات دي طبعًا بتيجي في الذاكرة وبنتكلم عنها لكن بشكل قليل”.
وزاد: “احنا بنفكر في الماتش وبنحضر له بشكل كويس واللاعيبة مدركين أهمية المباراة، وزي ما قلت من قبل مباراة العين إحنا عندنا هدف وهو اننا نوصل للنهائي في مواجهة ريال مدريد”.
وأتم محمد الشناوي حديثه: “بكرر تاني الجمهور اللي بيساندنا، واحنا محتاجينهم دايمًا في المدرج، احنا الاتنين زي بعض وحاسين ببعض، وفيه لغة بيننا وبين بعض، زي ما مستر كولر قال لما بناخد بطولة الجمهور بيطالب بالبطولة اللي بعدها واحنا لسة بنحتفل، مبنلحقش نفرح”.
موعد مباراة الأهلي وباتشوكا المكسيكي في كأس الانتركونتيننتال
تقام مباراة الأهلي وباتشوكا المكسيكي في كأس الانتركونتيننتال، يوم السبت المقبل في كأس التحدي في تمام السابعة مساء، ويستضيف ملعب 974 بقطر مواجهة الأهلي وباتشوكا المكسيكي في كأس الانتركونتيننتال.
القناة الناقلة لمباراة الأهلي وباتشوكا المكسيكي في كأس الانتركونتيننتال
تبث مباراة الأهلي وباتشوكا المكسيكي في كأس الانتركونتيننتال، في كأس التحدي عبر بي إن سبورتس 2 إتش دي.
