إبراهيم سعيد: ده أنسب وقت لتعيين شيكابالا مديرا فنيا للزمالك
فجر الإعلامي إبراهيم سعيد، مفاجأة حول مرشحه لـ تولي القيادة الفنية للزمالك بعد رحيل المدير الفني البرتغالي جوزيه جوميز الذي تولى تدريب فريق الفتح السعودي.
وقال إبراهيم سعيد في تصريحات تليفزيونية عبر شاشة «النهار»: «ده توقيت أن شيكابالا يمسك الزمالك كمدرب، طالما علاقته باللعيبة ومجلس الإدارة والجمهور كويسة، ومفيش توقيت أحسن من كدة».
وأضاف: «الفترة اللي فاتت كانت بمثابة فترة معايشة لـ شيكابالا مع المدير الفني جوميز وبيوجه اللاعبين وبيحفزهم، عنده الخبرات وبيعرف يتعامل مع اللاعبيين».
وأكمل: «بس شرط أن شيكابالا يعتزل لأنه لم معتزلش هيلاعب نفسه أساسي، وأنا مش بهزر شيكابالا قائد واسم كبير هيعرف يتعامل مع اللاعبين».
وأردف: «استحاله يجي مدير فني مصري يبقى أحسن من شيكابالا، ولو جبت أجنبي هيضطر ياخد وقت عشان يعرف ينسجم مع اللاعبين».
