سخر الإعلامي أحمد شوبير، من اتهام الأهلي بالتسبب في رحيل جوزيه جوميز عن تدريب الزمالك، بشكل مفاجئ.
وقال شوبير عبر قناة «الأهلي»: «جوميز مشي، ليه بدأ البعض يقول إن دي لعبة من الأهلي. لو الأهلي مشى جوزيه ده يبقى نادي عبقري لو لهذه الدرجة متغلغل ويقدر يجيب أندية من بره وعرض».
وأضاف: «الأهلي يعمل كدة بعد ما اتقال إن جوميز زملكاوي ومن مواليد ميت عقبة، ده يبقى الأهلي عبقري وأكبر جهاز مخابرات في الرياضة، وسط ما رئيس النادي والنائب وأمين الصندوق الناس بتقول اعتبروه وقع على العقود، وبعدين فجاة تلاقيه خرج».
وأكمل: «يبقى الأهلي عظيم وعبقري ولازم الزمالك يخليباله ويبص وراه وجنبه. كل ما يمشي مدرب أو لاعب أو إداري تقول الأهلي، ده الأهلي كدة عبقري مش في الملعب بس مش على مستوى عالمي وأفريقي بس، لا في ده كمان يعرف الحاجة اللي تعكنن ويدخلك منها».
وتابع: «ياعم اقف وبص وشوف أخطائك سواء لاعب أو مدرب، أسهل حاجة شماعة، متبص كدة وشوف أخطائك واتعلم منها، أنت بتعظمني بتقولي كل شوية مفيش زيك يا أهلي أنا مش قادر عليك، قوم دور على حاجتك وعلى خلجاتك».
){kind=link}