سمعت إنك ممكن تستخدم Apple Pay في مصر دلوقتي؟ بتسأل نفسك "إيه الخدمة دي؟ وإزاي أفعّل بطاقتي؟ وهل ده آمن؟.. فى الفيديو ده هنعرفك خطوة بخطوة إزاي تفعّل بطاقتك البنكية وتستفيد من الخدمة الجديدة
آبل باي أخيراً في البنوك المصرية وده معناه إنك هتقدر تدفع بطريقة أسهل وأسرع من غير ما تحتاج تخرج الكارت من جيبك
خلينا في الأول نبدأ بتعريف سريع يعني إيه ترميز البطاقات؟
ترميز البطاقات هو عملية استبدال رقم البطاقة الأساسية بتسلسل رقمي عشوائي أو "رمز".. الرمز ده بيشتغل زي البصمة الخاصة ببطاقتك ومحدش يقدر يستخدمه غيرك وعلى جهازك وده بيخلّي الدفع باستخدام Apple Pay آمن جداً
الخدمة دي بتسمح لك تضيف بطاقاتك البنكية لتطبيق Apple Wallet وتدفع بيها على نقاط البيع (POS) أو أونلاين بكل سهولة وأمان بدون ما تحتاج تمسك محفظتك أو حتى تلمس ماكينة الدفع.
طب إزاي تفعل بطاقتك البنكية على Apple Pay؟
لو عندك بطاقة من أي من البنوك اللي فعلت الخدمة - زي البنك الأهلي المصري، أو بنك مصر، أو التجاري الدولي CIB - كل اللي عليك إنك تعمل الخطوات دي:
أول حاجة لازم يكون عندك آيفون شغال بنظام iOS 17 أو أحدث بعدها هتفتح تطبيق Wallet على شاشة جهازك وتتأكد إن البنك بتاعك بدأ يفعّل الخدمة البنوك اللي أعلنت دعم Apple Pay بدأت تفعيلها تدريجياً.. ولو البنك بتاعك لسه مفعّلهاش تابع التحديثات لأن باقي البنوك هتنضم تباعا
بعد كده اضغط على علامة + (زائد) في تطبيق Wallet لإضافة بطاقة جديدة .. وامسك بطاقتك البنكية وامسحها باستخدام كاميرا الآيفون أو ممكن تدخل بيانات البطاقة يدوي
ولازم تأكد من صحة المعلومات اللي دخلتها زي اسم البنك ورقم البطاقة وتاريخ انتهاء الصلاحية ورمز الأمان (CVC).
بعدها البنك هيطلب منك التحقق من هويتك غالباً عن طريق إدخال رمز تحقق هيجيلك على موبايلك برسالة نصية.. وبمجرد ما البنك يتحقق من المعلومات البطاقة هتظهر في تطبيق Wallet وبكده خلاص تقدر تستخدمها للدفع اللاتلامسي في المحلات أو أونلاين بمجرد تمرير الجهاز
طب ليه أصلا تستخدم Apple Pay؟
لأسباب كتير أهمها.. مش هتحتاج تسحب كارتك من المحفظة و كل عملية دفع بتتم برمز خاص، ومافيش حاجة بتتخزن على الجهاز أو في سيرفرات Apple و الدفع بيتم في ثواني بمجرد تقريب الجهاز من ماكينة الدفع وممكن تستخدم الخدمة للدفع أونلاين أو في المتاجر بسهولة.
وهل في شروط لتفعيل الخدمة؟
اه فيه شوية شروط زس لازم تكون بطاقتك صادرة من بنك بدأ يفعّل Apple Pay في مصر وتحديث نظام تشغيل جهازك لآخر إصدار وامتلاك بطاقة بنكية صالحة للاستخدام.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
