يا ترى امتى هيتم تعميم تجربة استخدام تقنية الـ5G للتليفونات المحمولة في مصر، عشان نقدر نوصل لمرحلة أسرع نت في مصر، أو النت الطلقة، وهل كل المحافظات هتقدر تستفيد بيها ولا محافظات بعينها، وامتى هنشوفها بتغطي كل المحافظات.. هنقولك كل التفاصيل في التقرير التالي.
مع بداية السنة دي، الشركة المصرية للاتصالات، وقعت رخصة لتشغيل خدمات الجيل الخامس 5G على التليفون المحمول، وبتوصل قيمة رخصة التشغيل لشبكات الجيل الخامس 150 مليون دولار، مقابل إصدار الرخصة لتشغيل الخدمات لمدة 15 سنة، بدون الحصول على أي تجديدات أو امتيازات إضافية.
والتقنية الجديدة لشبكات الجيل الخامس، المعروفة باسم الـ5G، بتعتبر مستوى جديد من الاتصال بعد الأجيال الأربعة الأولى، بخلاف تقنيات الجيل الخامس، وده معناه إن هيحصل توسيع الاستخدام والوصول لمناطق كتيرة جدا، وتوفير سرعات بتحميل أعلى، واتصالات أكثر اتزانا، وكمان هيبقي في قدرة محسنة مقارنة بباقي الشبكات الأخرى، لأن الشبكة الجديدة بتتميز بسرعة كبيرة جدا وأكثر موثوقية من شبكات الـ 4G.
كمان تقنية الـ5G، بتختلف كتير عن التقنيات القديمة، لأن السرعات في التقنية الجديدة بتوصل لحد 10 جيجا بايت في الثانية، وهي سرعات المواطنين ماعرفوهاش قبل كده.
ضيف على كل ده، إن السرعات العالية اللي هتوفرها التقنية الجديدة، هتدينا إمكانيات أكبر للبرامج الذكية واللي بتحتاج لسرعة كبرى في الإنترنت زي إنترنت الأشياء والإنترنت الذكي، وكل ده بيفتح الباب لمجالات كتير وللابتكارات المعتمدة على السرعات العالية، بخلاف تطوير العملية التعليمة، وفوايد تانية كتيرة.
وبالنسبة للموبايلات أو الهواتف المحمولة المنتجة في آخر 3 سنين، فهيتم السماح لها بالاتصال بشكبة الـ5G بعد إطلاقها، عشان كده بتسعى الحكومة المصرية دلوقتي، لتطوير السنترالات والأبراج التابعة لها وللشركات الأربع المحمولة العاملة في مصر، عشان تدشين الشبكة الجديدة عشان مصر ماتتأخرش في اللحاق بركب المنضمين عالميا بالتقنية الحديثة دي.
ومتوقع جدا، بدء التشغيل التجريبي للشبكة الجديدة في فترة لن تتجاوز الـ6 أشهر من دلوقتي، وده لأن الشبكات الأربعة اللي شغالة في مصر، أخطرت مرفق تنظيم الاتصالات إنها بتقوم حاليا بتحديث شبكاتها عشان تكون مواكبة للسرعات الجديدة الخاصة بتقنية الـ5G، وهي عملية بتحتاج استثمارات ضخمة وكتيرة في مجال الأمن السيبراني، وده بخلاف إن تطوير الأبراج أو تغييرها بياخد وقت، والشركات الأربع بدأت بالفعل عملية التطوير.
وكل ده بيؤكد أن مصر بقت قادرة تحقق تقدم ملحوظ في تنفيذ تقنية الـ5G، واللي مثلت ثورة حقيقية في عالم الاتصالات، لأن التقنية دي بتوفر سرعات تحميل بتوصل إلى 10 جيجابت في الثانية الواحده، وده بيخليها أسرع بكتير من تقنيات الـ4G.
كمان، بتتميز نسخة الجيل الخامس بزمن استجابة سريع بيوصل لأقل من 1 مللي ثانية، وده ليتيح استجابة سريعة للتطبيقات الحساسة للوقت، زي الألعاب على الإنترنت والتطبيقات المتخصصة والمدمجة، ومش بس كده، ده التقنية الجديدة دي هتتيح تحسين الكفاءة في استهلاك الطاقة، وده هيساعد في إطالة عمر بطاريات الأجهزة، وهيقلل التكاليف التشغيلية، وهيحسن جودة الخدمة لمستخدمي الإنترنت.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
