حل الليلة الفنان محمد محمود عبد العزيز ضيفا ببرنامج صاحبة السعادة تقديم الفنانة إسعاد يونس، ومن المقرر أن يتحدث محمد محمود عبد العزيز عن النجاح الهائل الذي حققه مسلسل برغم القانون، وأن يكشف أيضا عن العديد من التفاصيل في حياته الشخصية والعملية .
حلقة محمد محمود عبد العزيز بصاحبة السعادة
وكشف محمد محمود عبد العزيز عن موقف جمعه بوالده الساحر محمود عبد العزيز أثناء تصويره فيلم إبراهيم الأبيض قائلا : "عبد الملك زرزور هو كان متخوف جدا من الشخصية لأن بالنسبة له هي شخصية ملهاش مرجع" .
وأضاف : "نزل هو أول يوم تصوير، وتاني يوم كنت أنا لسه مروحتش ف لقيته بيكلمني على 4 الفجر، بيقولي أنا كنت عايزك تيجي معايا أنا حاسس إن أنا مش مظبوط وعامل الدور أوفر وأنا متعصب، ف قولتله طب يا ريس أنا جايلك" .
وصرح : "ف دخلت أنا على مشهد كان أول مشهد بينه وبين السقا بتاع أنا حييتك تاني، دخلت بصيت وخلص المشهد ودخل الأوضة، قولتله يا ريس أنا هروح أنام لأن أنا مطبق من امبارح ومش شايف، بيقولي يا جدع بقولك أنا قلقان، قولتله أبوس إيدك خليك زي ما أنت لو حضرتك شايف إن ده أوفر خليك على الأفورة دي، ف لقيته بيقولي يا سلام بتفهم اوي، فقولتله طب جايبني ليه ما أنا جاي علشان يا أطمنك يا أقلقك، ف أنا بطمنك ف تمام الدنيا حلوة" .
وفي سياق متصل، تحدث محمد محمود عبد العزيز عن شخصية محمود شرشر التي قدمها بمسلسل برغم القانون وعلق قائلا : "والله محمود شرشر ده كرم من عند ربنا بمنتهى الصراحة، يعني الشخصية لما جاتلي في البداية كان عندي حالة تخوف على قلق، هو سهل ممتنع جدا" .
وأضاف : "هو موجود منه كتير جدا وفي نفس الوقت عنده خبايا، واتعاملت مع الشخصية تهمة تهمة لأن المفروض في الأول خالص يمثل إنه ميعرفش حاجة، ف اتعاملت إن أنا فعلا معرفش حاجة ومكانش قدامي حل تاني إن أنا أبقى مش عارف الحلقات مكتوب فيها إيه" .
وتابع : "ف اتفاجئت ردود أفعال وأنا بصور إيجابية اوي بس أنا دايما مش من النوع اللي باخد أراء إيجابية اوي، ببقى قلقان أكتر من الناس المتفرجين لما العمل بيتعرض، ف اتفاجئت بعد أول حلقة أو حلقتين برد فعل يعني اللهم لك الحمد والشكر بالنسبة لي خضني جدا" .
وفي سياق متصل، كشف محمد محمود عبد العزيز عن رأيه بدور إيمان العاصي في مسلسل برغم القانون قائلا : "إيمان العاصي على المستوى الشخصي بالنسبة لي اكتشاف في المسلسل، إحنا طول عمرنا نعرف بعض" .
وأضاف : "بس لما قربنا من بعض هي بني آدمة جميلة جدا جدا على المستوى الشخصي والفني، إيمان بالنسبة لي اجتهدت جدا وذاكرت جدا، يعني مذاكرة وتحضير يعني بجد فكرة على نيتكم ترزقون" .
وتابع : "هي اشتغلت وكانت حاطة نيتها جدا في الموضوع إنها تعمل حاجة حلوة، وبتحارب إن هي متبانش إيمان اللي طول العمر الناس شايفاها البنوتة الكيوت اللطيفة اللي كل الناس كلها يمكن لو قرأت الورق في المطلق هتبقى متخوفة من فكرة إيمان، لأن إيمان هي البنوتة الجميلة دايما" .
وصرح : "يعني حتى في جعفر العمدة لما كانت مع رمضان، كانت عاملة البنوتة الشعبي بس في النهاية دلال البنوتة الحلوة الشعبي اللطيفة، هنا التحدي بالنسبة لنا كلنا وعلى رأسنا إيمان إن الناس تقتنع إن إيمان واحدة من نسيج هذا الشعب اللي شغالة واللي تعبانة، ده كان تحدي لينا كلنا مش لإيمان بس" .
مسلسل برغم القانون
جدير بالذكر، كان احتفل الفنان محمد محمود عبد العزيز بانتهاء تصوير مسلسل برغم القانون الذي يعرض في الوقت الحالي وحقق نجاحا هائلا وحظى بتفاعل جماهيري كبير .
نشر محمد محمود عبد العزيز مقطع فيديو على صفحته الرسمية عبر موقع تبادل الصور والفيديوهات "إنستجرام" وعلق قائلا: "اللهم لك الحمد والشكر فركش برغم القانون، شكرا للسادة الجمهور العظيم على حسن الاستقبال، وسعداء إننا نحوز على إعجاب حضراتكم، شكرا لكل النجوم المشاركين في العمل أمام الكاميرا وخلفها تشرفت بالعمل مع حضراتكم جميعا وربنا يجمعنا على خير ونجاح دايما إن شاء الله" .
يذكر أن محمد محمود عبد العزيز شارك مؤخرا في مسلسل برغم القانون إلى جانب إيمان العاصى وهانى عادل، محمد القس، وليد فواز، جورى بكر، فرح يوسف، رحاب الجمل، فرح يوسف، عايدة رياض، إيهاب فهمى، جيسيكا حسام الدين ياسر عزت، نبيل على ماهر، بتول الحداد، ريهام محيى الدين وعدد آخر من الفنانين وتأليف نجلاء الحدينى وإخراج شادى عبد السلام وإنتاج شركة فنون مصر.
أحداث مسلسل برغم القانون تدور في إطار درامي اجتماعي حول ليلى المحامية التي تعيش في مدينة بورسعيد، وتستيقظ في صباح أحد الأيام لتكتشف اختفاء زوجها دون أي سبب وبعد أن تحاول العثور عليه، تكتشف أنه هرب بعد زواج استمر 10 سنوات وقصة حب كبيرة أثمرت عن طفلين «ليلى وهاشم»، ليختفي «أحمد» زوجها دون سابق إنذار، وبمرور الأحداث تتكشف الأسرار حتى تصل «ليلى» إلى السر وراء هروب زوجها وتركه لها ولأولاده رغم حبه الشديد لهم.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
