أكد الإعلامي أحمد موسى أن الولايات المتحدة وتركيا يديران المعارك التي تنفذها الجماعات الإرهابية الموجودة في سوريا.
وقال موسى خلال برنامج "على مسؤوليتي" المذاع على قناة "صدى البلد": "حوالي 30-40 تنظيم تحت ما يسمى بجبهة تحرير الشام أي تنظيم معدي معاه حتتين سلاح بيدخل مع أبو محمد الجولاني حد تبع الاتراك حد تبع الأمريكان مع أبو محمد وبقي كله مع أبو محمد الجولاني بس ده له مشغل وهما اثنين الاتراك والمريكان".
وأضاف: "الأمريكان في 2015 طلعوا قرار بـ 15 مليون دولار لأي واحد يدي معلومات عن أبو محمد الجولاني دا قتل أمريكان وقتل ناس ولحد النهاردة بيقتلوا ناس ويخطفوا بنات في سوريا واللي عملوه في داعش بيعملوه النهاردة".
وتابع: "الإعلام بيبيضوا وجه إرهابي أسمه أبو محمد الجولاني في أيده دم أبو محمد الجولاني اللي الامريكان رصدوا 10 مليون دولار عشان يقبضوا عليه طلعوه في السي أن أن دا قاعد في مقر القيادة وعمل اللقاء مع مذيعة سي أن أن وقالها لازم تغطي راسها والراجل ده بيتكلم عن الخلافة".
وأكمل: "هو مصنف إرهابيا وازاي سي إن إن تقعد مع واحد مطلوب للولايات المتحدة وهو أكتر واحد مطلوب لأمريكا حاليا طيب السي إن إن قعدوا معاه وعملوا معاه لقاء وبيطلعوه للعالم الحقوا بقي مختلف تماما".
وذكر: "الأمريكان مش عارفين مكانه فين؟ سي أن ان اللي عملت اللقاء مع الجولاني هي نفسها اللي قعدت مع أسامة بن لادن سنة 1998 وكان المطلوب الأول لأمريكا وهو ينفذ استكمال لأجندة بن لادن وتنظيم القاعدة ونفس الخطة ونفس اللي بيشتغل ونفس اللي دمروا البلاد والعباد الجولاني قال معندناش عداوة مع حد إلا بشار الأسد يعني معندوش عداوة مع إسرائيل".
