علق الإعلامي عمرو أديب على تأهيل النادي الأهلي لكأس العالم، مشجعًا النادي الأهلي خلال مباراته القادمة في كأس العالم.
وقال الإعلامي عمرو أديب خلال تقديم برنامجه “الحكاية” على فضائية MBC مصر: “بعيدًا عن الرذالات والغلاسات بتاع بعض الزملكاوية، يجب أن أقول كمواطن مصري سعيد وفخور للنادي الأهلي في هذه البطولة العالمية”.
وأعلن أديب: “وهكون مشجع للنادي الأهلي يعني أنا مستني أشوف الصراع بين أفشة وميسي ومستني لما أشوف القائد الشناوي وهو بيصد الكورة من ميسي”.
وأضاف: “مستني لما أشوف الأهلي وهو بيعمل إنتاج عالمي، يا عالم بتفرج على بطولة مفتوحة أشوف، وسام وأفشة، وحسين الشحات، لازم أشجعهم الرذالة والغلاسة نقول إحنا زملكاوية بشجعهم إحنا نشوف الأهلي وهو بيلعب بنكون سعداء ليه لا”.
وواصل: “إنما ليه الرذالة والغلاسة بتاع أنا زملكاوي ليه أشجع الأهلي، لا أنا عايز أتفرج على إنجاز حلو، الأهلي لما بيلعب في بطولة عالمية بنكون فرحانين زي ما الأهلي بيفرح لما الزمالك بتلعب في بطولات عالمية بردوا، بفكركم بس وإحنا ورا الأهلي والقاضية ممكن، ومين ميسي ده اللي يقف قدام أفشة ونغني سطلانة في الآخر وننبسط كلنا”.
